QUOTABLE QUOTE NI DRAKE

Huwag kang maglagay ng panuntunan (standards) sa iba, lalo’t hindi mo alam kung naabot mo ang panuntunan ng ibang tao sa iyo.

Wednesday, December 31, 2008

ANG TAONG 2008 (Pagbabalik tanaw)



Buti talaga nakahanginan kong gumawa ng year end report ko tungkol sa aking buhay last 2007 (nasa isa ko pang blog yun). Syempre, naglagay din ako dun kung ano ano pa ang inaasahan ko sa year 2008. Ngayon irereview ko kung ano ang natupad at kung ano naman ang hindi, samahan nyo ako dito:


1. MY FIRST PAMANGKIN


NOON


Sometime in April magkakaroon na ako ng pamangkin, unang pamangkin ko ito, kaya masaya. Nag-iisip na nga ako ng pangalan sa pamangkin ko!!! Lahat kami payag sa KING LORITITO, Loritito kasi sunod sa pangalan ng tatay ko Loreto,eh kamo first apo nya kya parang little version nya. Yung King para lang sumosyal sosyal. Pero mabaho pa rin


NGAYON


Naipanganak na ang aking napaka-kyut na pamangkin na manang mana sa kanyang Tito. Babae ang pamangkin ko at Hyacinta Fiona ang pangalan nya, tapos ang nickname nya ay Water Lily este HYA pala. Syempre ninong ako, oo nga pala April 9 ang bertdey nya.


2. KASAL NG ATE KO


NOON


Before, we have so many misunderstandings ng Ate ko, Kalabang mortal ko yun eh, ngayon bestfriend ko na ata si Ate kasi Accountant yan ng pamilya, so pagdating sa finances at budgeting eh sya ang inaasahan ko, lalo na sa mga pinapadala ko. Hehehe. Ikakasal na rin sya by April sakto sa bday nya, kaya bago man lang sya magtrenta eh kasal na sya!!


NGAYON


Ikinasal na nga sya, at dapat nga eh buntis sya ngayon, kaso may nangyaring problema, nagkaroon sya ng MOLE pregnancy. Medyo 1 out of 1,000 women nakakaranas ng ganun. Sad to say eh sya pa yung 1 na yun. Hopefully next year eh magkaroon na ako ng pamangkin sa kanya.


3. Graduation ng Dalawa kong kapatid!!!


NOON

Ibang klase nakapag patapos na rin ako!!! Sobrang hirap din ang dinananas ng Nanay at tatay ko maitaguyod lang yung 4 na kapatid ko na kay lalakas pang lumamon. Buti kamo nandito ako sa abroad at least natulungan ko sila sa pagpapaaral ng mga kapatid ko. Oo nga pala, yung isa Electronics and Communication Engineering, yung isa naman Architecture.


NGAYON


Nagtatrabaho na yung Archi kong kapatid sa Maynilad, tapos yung isa naman ay maraming offer from different companies pero kukuha muna ng board exam this March. Nakakaproud lang talaga, kahit wala akong naipon eh nakatulong naman ako sa kanila.


4. Magpapataba ako ng Konti


NOON:


Sa mga nagsabing mukha daw akong Adik, humanda sila at Magpopot session kami!!! Joke!!! Medyo payat ako dati at kita ang aking cheek bone, kaya naman nagmukha akong bangkay noon.
Adik na bangkay!!

NGAYON:


Medyo tumaba taba ng konti, at maraming nagsasabi kamukha ko raw si Piolo (syempre puro kapatid ko lang ang nagsabi nun). Medyo kasabay ng pagtaba ko ay ang pagkakaroon ko naman ng bilbil kaya ngayon naman ang pagpapayat ang gagawin (ano ba talaga kuya??)


5. Second Vacation ( April 2008 )


NOON


Napakaraming plano pag uwi ko, Baguio daw, sabi ng kapatid ko. Una, gusto ko sanang itreat ang mga nanay at tatay ko sa Hongkong. Kasi nga 35th anniversary na ng mga nanay at tatay, kaso sabi nga nila masya kung sama sama. Kaya palagay ko Baguio na nga lang!!


NGAYON


Walang natuloy sa lahat ng plano ko as usual, kasi dahil na rin heartbroken ako noon (huhuhu!!) at ngayon ko lang din napag-alaman na madali pa lang ubusin ang pera.GRABE.Pero bumawi naman ako sa nanay at tatay ko dahil binigyan ko sila ng GOLD RINGS (mabigat yun pwedeng isanla ng 10 libo ang isa, hehehe) at pinera ko na lang yung pang Hongkong nila kasi mahihiluhin daw ang nanay ko sa byahe. (eh mukhang mas masaya sila sa pera kesa sa Hongkong)


6. New Company, New Career


NOON


Eh nag-iisip isip din talaga akong lumipat ng company, medyo nagiging stagnant na ako eh wala na akong natutunan (teka ako ba talaga ito) Balak ko talagang lumipat ng ibang kumpanya ang lakas ng kutob ko na talagang sa ibang kumpanya na ako magtatrabaho!!


NGAYON


Dapat talaga lilipat na ako ng company this December, at natutuwa nga ako kasi mukhang totoo yung pakiramdam ko dati, pero napurnada talaga yung paglipat at pagyaman ko (hahahah!!). Naku tiis tiis na lang muna dito sa company sabi naman ng boss ko sya ang bahala sa increase ko. (Sana naman pleaseeeee)


7. Bagong Kaibigan Uli!!!


NOON


Mangongolekta ako ng katropa at kaibigan dito!!! Anti Social ako dati, although di talaga halata, but I prefer to stay at home kesa makipagsocialize sa ibang tao. Makapal ang mukha ko sa mga kaibigan at kapamilya ko, pero tiklop ako pag nasa harap na ng ibang tao. Madalas kasi di maganda ang impresyon sa aki. Masyado daw akong mayabang, saka minsan inis na inis sa akin kasi puro raw ako kahanginan at kapormahan.


NGAYON


Ganun pa rin ang dami ng kaibigan ko, pa-isa isa ay nadadagdagan naman. Medyo mahirap talaga na opisina-bahay-opisina, tuloy kahit medyo nasusuka ka na sa pagmumukha ng mga kasamahan mo, no choice ka na lang kundi lunukin mo uli ang suka mo!hahahah!! SAWAP!!


8. Mag-iipon na talaga ako!!!


NOON


Starting next year talagang ipon na talaga ako. Ayaw ko ng gumastos ng gumastos, basta alam kong kailanagn ko ng magsimulang mag-ipon para sa magiging bahay ko at sa bahay ng magulang ko. Matagal ko ng ipinangako yun sa magulang ko at pipilitin ko talagang mag-ipon para magbago ang bahay namin!!!


NGAYON


Hindi ako nakapag-ipon dahil na rin sa dami ng gastos lalo na sa pag-aaral ng dalawa ko pang kapatid na nursing ang course. Pero ang accomplishment ko naman ay napagawa ko kahit konti ang bahay namin. Mukhang bahay na sya at hindi na mukhang Haunted House. Bagong buong, bintana, pinto, at pinapinturahan ko an buong bahay, kaya halos di ko nakilala, kaya kahit papaano ay okay na rin.

Hay!! Ito ang naging review for the Year 2008. Medyo maraming hindi nasunod, meron din namang nasunod kahit papaano. Pero nakakatuwa lang balikan na parang kailan lang isinusulat ko ang gusto kong mangyari sa 2008 at ngayon tapos na ang taon at nagsusulat naman ako for the Year 2009.


Maraming nagbago sa akin this year, pero alam kong marami pang magbabago sa buhay ko next year. Bukas isisulat ko naman kung ano ang inaasahan ko sa Year 2009, pero kung bibigyan ko ng rating ang YEAR 2008 ko, siguro 70% kasi halos nasunod naman lahat ng gusto kong mangyari.


Iyun lamang at maraming salamat.

Tuesday, December 30, 2008

DA ADBENTYUR OP ALING PEKLA


PAAALA: Ang ibang mga salita dito ay medyo bulgar. Ito’y TOTOONG nangyari kaya hindi ko pwedeng baguhin ang diyalog.


Isang araw, nakita ko ang nanay ko na halos maiyak iyak sa kakatawa. Medyo natakot ako nun kasi baka naloloka na ang nanay ko, at magsasalita na lang ng “BASILIO, CRISPIN mga anak ko….”. Pero buti naman kilala pa nya ako, kasi inutusan pa nya akong mangutang ng isang kilong baboy sa tindahan ni Aling Josie. Pero nakakagulat lang na halos mahimatay ang nanay ko kakatawa kaya nagtanong na ako:


Ako: Nay, mukhang nakasinghot na naman kayo ng Rugby ah, bakit ba kayo tawa ng tawa? (close kasi kami ng nanay ko kaya ganyan ang biruan namin)


Nanayko: Eh kasi itong si Lumeng eh, may kinukwento sa akin tungkol kay Aling Pekla, whahahah!!(tawa)


Kaya ikinuwento na nya yung nakuha nyang chismis sa kapitbahay naming si Aling Lumeng.


Heto ang istorya………


Si Aling Pekla ay ang sikat na sikat na mangkukulam este manghihilot sa bayan namin, nasa edad na 75 na sya, payat at medyo MALI MALI. Lumuwas daw ng Divisorya si Aling Pekla nung isang araw at sumakay sa mumurahing bus ( yung hindi erkon). Nasa kalagitanaan ng byahe ang bus papuntang Maynila nang bigla na lang may naamoy si Aling Pekla na hindi kagandahan sa kanyang mag-amoy.


Bigla nyang tinanong yung katabi nya:


Aling Pekla: Hindi mo ba naamoy yun? Bakit parang amoy puke dito… (singhot) amoy puke eh!!! amoy puke talaga.Hindi mo ba naamoy yun, iho?


Mama: Eh, wala naman po akong naamoy eh!!!


Aling Pekla: Naku, eh amoy puke talaga e, amoy PUKKEEE. Napakabantot.Amoy Puke!!


Ngingisi ngisi lang daw yung Mama,sa sinabi ng matanda. Inintindi na lang nya yung matanda pero talagang mapilit itong si Aling Pekla, talagang bantot na bantot sya sa naamoy nya, kaya pati na rin yung driver ng bus na nasa unahan nya eh tinanong nya:


Aling Pekla: Naku iho, hinde mo naamoy yun, eh napakabantot eh, AMOY PUKE!! Baka naman nagkarga kayo dito ng sako sakong PUKE sa bus na ito, kaya ganun kabaho!!


Driver: Naku lola, wala po (sabay tawa), baka po siguro yung mga katabi nyo lang po at medyo hindi nakapaligo!!


Aling Pekla: Hay naku, eh talagang amoy PUKE eh!!


Hindi na kinulit ni Aling Pekla yung driver, kaya bumalik na lang sya sa kinauupuan nya. Pero para talagang syang pusang hindi matae, at patuloy na inaalam kung saan nanggagaling yung amoy. Pero biglang sumabat yung isang ale din sa likod nya:


Ale: Eh Manang ano ba yang nasa balikat nyo na parang may nakabukol???


Kinapa ni Aling Pekla ang balikat at nagulat sya sa natuklasan


Aling Pekla: Hay naku,eh ito pala yung Panty ko, Eh PANTY ko pala yung naamoy ko na yun!! Dito ko nga pala nilagay yung panty ko kanina nung umihe ako dun sa damuhan. Hay naku ito pala yun!!! Dyaskaheng PANTY to!!


Halos sumakit ang tyan ng mga katabi ni Aling Pekla pati na rin yung driver na nasa unahan nya. Pero si Aling Pekla, eh dedma lang, tiniklop nya yung panty at nilagay sa malaking wallet.


Yan ang kwento ng nanay ko sa akin, ito rin ang ichinismis ni Aling Lumeng sa nanay ko, kaya ganun na lang makahagalpak sa kakatawa ang aking mahal na ina. Pero hindi pa natatapos ang adbentyur ni Aling Pekla, nagkuwento uli ang nanay ko tungkol sa isang pangyayari pa sa Health Center.


Heto ang isa pang kwento:


Nagpunta daw si Aling Pekla kasama yung anak nyang si Aling Naty (na 36 na siguro ang edad) sa Health Center kasi may libre pakonsulta sa amin noon, Medical Mission kumbaga. Nandun din yung mga duktor mula sa Maynila, para tulungan ang mga kababaryo namin, at isa na nga dito si Aling Pekla.


Health Worker: Okay Mrs. Pecissima at Mrs Nenita (si Aling Pekla at si Aling Naty) pasok na po kayo sa loob.


(Sabay pasok ang matanda kasama ang kanyang anak)


Doktor: Ano po ba ang problema natin nanay?


Aling Pekla: Eh kasi itong anak kong si Nenita, eh mukhang may bukol sa likod nya, eh hindi ko nga po alam kung ano yun? Akala ko noon kulani lang o pigsa, pero hanggang ngayon eh hindi naman pumuputok pa o nawawala. Ano po ba kaya ang problema dok?


(Sinalat ang likod ni Aling Naty)


Doktor: Eh nanay, mukhang tumor po ata itong nasa likod ng anak mo, kailangan matingnan po natin baka malala na po ito


Aling Pekla: Ganun ba dok, Eh anong gagawin namin, eh paano kung malala na dok?
Doktor: EH KIKI MO!!!!


(Biglang namula si Aling Pekla at nagulat sa kanyang narinig, galit na galit sya)

Aling Pekla: Eh NAPAKABASTOS MO PALANG DOKTOR KA EH,!! (sabay hampas ng payong sa doktor)


Doktor: Teka lang po!! Teka lang po, nay (sabay ilag din ng duktor)


Aling Pekla: Damuho kang doktor ka!! Maysakit na nga ang anak ko, tapos sasabihin mong KIKI MO!! KIKI MO!! (Sabay hampas uli ng payong)


Inawat na ng Health Worker ang matanda, at pero hindi pa rin maalis ang inis ng matanda:


Aling Pekla: EH TITI MO RIN!!! DAMUHO KANG DOKTOR KA!! TITI MO RIN!! (sabay duro ng payong sa doktor)


Health Worker: Sandali lang po Aling Pekla, sandali lang po!!


(Biglang naghimasmasan ang matanda)


Doktor: Nay, ang ibig ko pong sabihin ng “KIKI MO” ay IKI- CHEMOTHERAPHY, kasi kung cancerous na po yung tumor kailangan po natin I-CHEMO. I-CHE-CHEMO (IKIKIMO)


Medyo tumigil na rin ang matanda, naintidihan na nya ang sinabi ng doktor at tila natauhan na rin.


Aling Pekla: Eh ganun ba doktor, pasensya ka na, akala ko kasi yung KWAN ko ang pinagdidiskitahan mo. Eh sige dok, babalik na lang po kami ng anak ko. (halatang hiyang hiya ang mag-ina)


Tinginan na ang tao sa kanya, at syempre kasama dun si Aling Lumeng na nagkwento sa nanay ko!!

Nagpag isip isip ko rin nga noon, hindi kaya adik itong si Aling Pekla at baka maraming syang nalalaklak na cough syrup na galing Health Center. kaya sya ganun, Pero hindi naman siguro!!!
Halos hindi matapos tapos ang kwento ng nanay ko tungkol sa adbetyur ni Aling Pekla dahil nauuna pa ang tawa nya kesa sa kwento. Medyo hindi nga ako natawa sa mga pinagkukuwento nya pero ng makita ko ang nanay na magkanda UTOT UTOT na kakatawa eh dun na lang ako talagang tumawa dahil sa kanya. . Kaya nawala na yung pagkaCOMEDY

Madalas nakakasalubong ko si Aling Pekla sa Munisipyo namin at lagi nya akong tinanong kung kaninong anak daw ako. Pag sinasabi kong anak ako ni Loreto (pangalan ng tatay ko) bigla ba namang magsasabi yun “ Aba eh paanong mangyayaring magiging anak ka nun eh kay itim-itim ng tatay mo, eh maputi ka iho”. Kahit na nilait lait ang tatay ko bumawi naman sya sa akin!hehhehe!!ASTIG KA ALING PEKLA!!!

Salamat sa pagbasa, iyon lamang at maraming salamat

PS.

Kung medyo nabastusan kayo sa dayalog, pasensya na si Aling Pekla ang bastos, hindi ako!!Hehehe!! Totoong nangyari ito at hindi kathang isip.Oo nga pla yung piktyur na nasa itaas ay kahawig lang ni Aling Pekla at hindi si Aling Pekla mismo.

Sunday, December 21, 2008

Ano ang gagawin mo? (Life and Death Situation)

Nasa kalagitnaan kayo ng seryosong meeting ng bigla ka na lang naUTOT na ubod ng lakas. Ano ang gagawin mo?

a. Ituturong salarin ang katabi at magagalit kunwa kunwarian sa kanya at sa amoy ng utot

b. Humingi ng sorry, at sabihing ito ang bagong RINGTONE ng cellphone mo.

c. Magdeny at magsabi ka na lang ng “MAMATAY NA ANG UMUTOT”


Meron kayong isang sosyal na Dinner kasama ng boss mo at mga katrabaho mo ng bigla kang nahatsing at lumabas ang green na green mong sipon. Ano ang gagawin mo?



a. I-uga uga ang sipon na parang mga BELL sabay kanta ng “Jingle Bells, Jingle Bells, Jingle all the way” .

b. Kunin ang mangkok at ilapit sa bibig, sabay singhot para akalain ng iba eh humihigop ka lang ng mainit na sabaw (kailangan gawin mo ito within 5 seconds)

c. Biglang takpan ang ilong at sabihing nagno-nose bleed ka lang, sabay magdrama na kunwaring nanghihina ka (kung sakaling may nakakita na green ang lumabas sa ilong mo sabihin mong bading ka kaya berde ang dugo mo)



Nasa kalagitnaan ka ng panood ng TV ng biglang may nangangaroling sa kapitbahay nyo, alam mong ikaw na ang susunod na pangangarolingan pero ayaw mong magbigay kasi makunat ka. Ano ang gagawin mo?



a. Biglang patayin ang ilaw, para magkunwa kunwaring natutulog na. Kung sakaling may nag “TAO PO”, sumigaw ng “HOY!! WALANG TAO DITO”.

b. Alisin ang parol at krismas layt . Palitan ito ng malaking buddah, at sabihing hindi ka naman Katoliko at wala kamong pasko sa relihiyon nyo.

c. Magtali sa gate ng pinakamabangis na aso, huwag pakainin ng isang araw para mukhang lalapa ng tao. Tyak wala ng magtangkang mangaroling sa inyo.



Medyo taghirap ang buong mundo ngayon, kaya kailangan mong magtipid at kumita, naisip mong medyo magandang rumaket ngayong Pasko, Ano ang gagawin mo?



a. Ipunin ang napamaskuhan ng anak mo at sabihin kailangan nilang bayaran ang damit nila, at dahil ikaw ang nanay doble o triple ang presyo ng damit.

b. Umaga pa lang simulan na ang pamamasko kasama ang mga anak mo, double purpose yun, para hindi ka maabutan ng mga inaanak mo sa bahay, at para naman makarami kayo ng mapamamaskuhan. Libre chibog pa!!

c. Sa tuwing pupunta ka sa mga kaanak mo para mamasko, magdala ng malaking bag, subukang magpuslit ng ilang mansanas, orange, ubas, tinapay, at kung kaya mong kuhanin yung isang garapong Chiswiz na hindi mahahalata, mas mainam. Tyak meron ka ng handa sa Media Noche (New year’s Eve), pwede ka na ring magtayo ng maliit na tindahan sa harap ng bahay mo.



Alam mong hindi gaanong maganda ang pagkakagawa sa iyo ng Dyos (in short PANGIT)at medyo malakas ang apog mo,gusto mong yumaman at maging sikat. Ano ngayon ang gagawin mo?




a. Pakapalin mo ang mukha at mag-apply ka bilang maging Artista. Kahit magbabatuk batukan ka ng mga bidang artista sa pelikula, eh tanggapin mo na lang baka sumikat ka pa . Maari ring sumali sa mga Reality TV, para magkaroon ng “EKSPOWSHUR”.


b. Subukan mong pumasok sa Pulitika o maging pulitiko, ang kailangan mo lang ay marunong sa magic o hokus pokus at dapat hindi ka magaling sa MATH para sa Dagdag Bawas. Then magugulat ka na lang sisikat ka na, yayayaman ka pa.

c. Subukang maging Boksingero ( habulin ka na ng chicks, kukuhanin ka pang artista, at ngayon aalukin ka namang maging pulitko, 3 in 1 parang kape lang)



Nagchichikahan kayo ng mga amiga mo ng biglang, nahulog mula sa buhok mo ang dalawang malulusog at naglalakihan KUTO mula sa ulo mo (nice ,bigtime sa iyo ang mga kutong yan), ano ang gagawin mo?



a. Sabihing ito ang bagong usong ipit ngayon “ROBOTIC”

b. Sabihin mugmog lang yun ng BROWNIES na kinain mo kanina (kung sakaling kayang kainin, eh kainin mo para REALISTIC ang dating)

c. Sabihing itim na ang Dandruff mo ngayon dahil sa mamahaling shampoong gamit mo (at least nakapagmayabang ka pa)

Ang mga TIPS na yan ay maaring makatulong sa ating pang-araw araw na pamumuhay. Matagal itong sinaliksik at pinag-aralan para matulungan ang bawat isa na makaisip ng mga paraan sa mga pangyayari medyo mahirap takasan at lusutan.



Nawa’y itoy nakatulong para lalo pa nating ma-improve ang ating mga buhay at sarili. At para sa mga katanungan pa at problemang gustong hanapan ng solusyunan mangyayari sumangguni sa akin, heto ang aking address:


DOC LENG
LUWAG TURNILYO MENTAL HOSPITAL
P.O Box, Tae in a Box, UTO- 10
Quezon City.
Tel No. 123 (asawa ni marie) 456 (pick up stick)

Tuesday, December 16, 2008

HUMORSCOPE



Sagittarius (Tikbalang o kabayong Potro)


Iwasan ang paggastos kasi baon baon ka na sa utang, aba kapal peys ka pang utang ng utang.


Paalala: Ang credit card ay binabayaran din, kaya wag mong isipin na libre ang mga pinamili mo pag gumamit ka ng credit card


Lucky Colors: White (paghinahabol ka ng pinagkakautangan mo gamitin mo ito para ka sumuko)


Lucky Number: 9 (pag nanalo ka sa lucky 9, ipambayad mo na ng utang)


Capricorn (Ang sirenang kambing)


Mahuhuli ka ng misis mo na nangangaliwa ka, okay lang sana kung si Mare ang tinangay mo eh kaso si PARE pala ang kinakasama at kinakalantari mo ngayon.


Lucky Color: FUSYA, este FUSHHHSIYA, mali este FUSSSSHIYA, naku RED na lang


Lucky Number: 11 (uhmmmm, kasi espadahan)



Aquarius (NAWASA)


May good new at bad news ako sa iyo;


GOOD NEWS: Makapag-abroad ka na rin sa wakas, dahil ito ang matagal mo ng pinapangarap


BAD NEWS: Kaso makalipas ng 5 araw babalik ka ulit sa Pilipinas, recession kasi ngayon kaya nagsara yung pabrikang pinapasukan mo


Lucky Color: Brown (kulay yan ng kamote, simulan mo ng magtanim kasi wala ka ng trabaho)


Lucky Number: 5 and 6 (ang taong gipit sa payb siks lumalapit)



Pisces(ang sign ni NEMO)


Maswerte ka kasi makakapag-asawa ka ng mabait , mayaman at gwapo. Kaso yun nga lang sya naman ang minalas kasi ikaw ang napapangasawa nya.


Lucky Color: Black (kasi hanggat bulag sya sulitin mo na)


Lucky Number: 0 (zero, as in wala akong maisip kung bakit swerte yan sa iyo)


Aries (Kalderetang Kambing)


Tatama ka sa Lotto ng tatlumpung milyon, pagkatapos mapropromote ka pa sa trabaho at magiging mabait sa iyo ng misis mo. Kaso bigla ka na lang magigising at malalaman mong panaginip lang pala ang lahat.


Lucky Color: Yellow (Yellow, sino po sila?)


Lucky Number: 8 ( walong stars ang makikita mo kung hindi ka pa rin makakakita ng trabaho)


Taurus (Argentina Corned beef))


Magiging maganda ang araw mo ngayon, yun nga lang magiging maulan pala at hindi sisikat ang araw kaya Pangit pala mangyayari para sa iyo ngayon. Sorry!!!


Lucky Color: Kulay Tae (pangalan pa lang mukhang maswerte na!!)


Lucky Number: 7 (pitong araw uulan kaya wag ng umaasang maganda ang linggo mo)



Gemini (Kambal tuko)


Magtatalon ka sa sobrang tuwa kasi magkakaroon ka na ng baby at kambal pa, kaso bigla ka na lang magagalit kasi BAOG ka nga pala


Lucky Color: Blue (kasi mangangasul sa pasa ang asawa mo kung magkataon)


Lucky Number: 2 (kambal kasi ang anak mo eh, eh sorry baog ka nga pala)



Cancer ( pinakawawang sign kasi may sakit agad)


Iwasan magagalit ngayon kasi baka atakahin ka sa puso, kaya panatiliing laging kalmado. Oo nga pala yung asawa mo sumama na sa ibang lalaki, tapos yung anak mong dalaga buntis at yung paborito mong sapatos ningatngat pala ni bantay.

Lucky Color: Violet (kasi mukhang ibuburol ka na sa natuklasan mo)


Lucky number: 3 (wala lang bigla ko lang naisip ang number na yan)


Leo (Pusang pampalaman sa siopao)


Matutuwa ka kasi nagpa-tattoo sa braso ang anak mong si Junior na pinagdududahang bading, kaso magugulat ka nalang kasi si HELLO KITTY pala ang design ng tattoo nya. Dahil dito it’s CONFIRM!!


Lucky Color: FINK (may lambing sa dulo)


Lucky Number: 10 (mahilig kasi sa unat at bilog)


Virgo (ang sign ni Madonna “like a virgin, touched for the fifty first time”)


Isang pangyayari ang hindi mo inaasahan na mangyayari sa iyo. Pag utot mo nagulat ka na lang na parang nabasa ang underwear mo, at pagsilip mo, nakikita mo may kulay brown (yaks, pururot)


Lucky Color: Red and Yellow (Kulay ng Jollibee at ng McDo, dyan ka tatae pag emergency)


Lucky Number: 1, 2, 3, sabay ire.



Libra (kilohan)


Pupurihin ka ng teacher mo kasi nakarami ka ng yema sa klase. At dahil komo paninda nya yun may plus 5 ka sa periodical exam mo. Bukas maghanda sa isang mahalagang project uli ng teacher, mabuti mag-ipon sapagkat tocino at longanisa naman ang ititinda nya.


Lucky Color: Red uli (kulay ng longanisa at tocino)


Lucky number: 5 (laging iyan ang plus mo)


Scorpio (da best na sign)


Magiging maswerte ka sa buong taon,yayaman ka at pinakagigiliwan ka ng lahat ng tao. Isinilang kang mabait, masipag at higit sa lahat cute


Lucky Color: lahat ng kulay maswerte sa iyo


Lucky Number: lahat ng number maswerte din


Hahaha, wala pakialamanan eh birth sign ko yan eh!!

Thursday, December 11, 2008

Boksing ng Buhay

BAGONG LIMANG PISONG PAPEL





ANG MAGBESPREN




LORD OF THE RINGS




BOKSING NG BUHAY

Kagagaling ko lang ng isang linggong bakasyon, ang sarap palang pabulukin ang mata mo kakatulog at pabondatin ang tyan mo kakalamon. Syempre hindi ko rin pinalampas ang laban ni Pacquiao.


Sikat na sikat si Manny Pacquiao ngayon, halos lahat ata ng tao talagang tutok na tutok sa laban nya. Numero unong fan ang tatay ko ni Manny , at napapasuntok sya sa bawat sapak at bugbog ni Pacquiao sa mga kalabang Mehikano. Nakakatuwa at nanalo sya, at talaga namang napatalon din ako sa labis na kasiyahan. Yun nga lang habang tutok na tutok ako sa telebisyon, bigla na lamang akong naiinis sa nakita ko.



Hanggang ngayon hindi ko lubos maiisip kung ano ang ginagawa ng ilang mga kilalang pulitiko sa ibabaw ng Ring. Halos nawala sa ibabaw ang mga trainor ni Pacquiao at napalitan ito ng mga pulitiko na hindi mo alam kung sabik na sabik lang ba sa camera, o talagang nagpapansin lang. Katulad na lang ng ating bise president, iniisip ko ano ang ginagawa ng ating pangalawang pinakamataas na pinuno ng ating bansa sa ibabaw ng Ring, isa ba itong napalaking isyu ng Pilipinas kaya sya nandun.Hindi ba maraming bagay na kailangang unahin kaysa sa laban ni Pacquiao.


Eh si DENR Secretary Lito Atienza, nandun din, inuna pang manonood ng boksing kesa asikasuhin ang budget ng DENR, kaya tuloy puro katiwalian ang nangyayari sa DENR, at panay baha ang inaabot ng ilang probinsya kasi pinabayaan nyang mamutol ng mamutol ang mga illegal loggers sa kagubatan. Sana maisip nya na itoy budget para sa isang taon, at mahalaga sya sa deliberasyon nito. May TV naman at pwede namang dun na lang sya manood, bakit kailangan pa nyang ipagpaliban ang mahalagang gampanin nya sa kanyang departamento para lamang makita ang laban ni Pacquiao ng malapitan?



Si Gov. Chavit Singson, daig pa ang promoter sa pagpapapogi nya sa harap ng camera.Hindi na ako magtataka kung bakit nandun sya,kasi alam kong malaki ang pusta nya, kaya sya nandun.
Bayani ang tawag kay Manny, kaya namang halos sambahin sya ng ibang tao sa kanyang angking kakayahan sa larangan ng boksing at talagang pinagbuhusan sya ng malaking importansya pagdating nya sa Pilipinas. Pero hanggang ngayon hindi ko rin maunawaan kung bakit ganun na lang ang atensyong binigay ng ating Gobyerno sa kanya, ano ba ang malaking kontribusyon ni Manny sa ekonomiya natin?Naitaas ba ni Manny ang kabuhayan nating mga Pilipino? Guminhawa ba ang buhay natin dahil sa pagkapanalo nya? Itutulong ba nya sa mahihirap ang milyon milyong dolyar nyang kinita sa laban niya kay Dela Hoya? Bakit aligagang aligaga ang mga pulitiko sa pagdating ng ating tinatawag na “Pambansang Kamao”at talaga namang nakikisakay sila sa kasikatan ni Manny. Dahil kaya malapit na ang eleksyon?


May usap usapan pa na tatakbo sya bilang kongresista, at maraming pulitiko ang nanliligaw sa kanyang tumakbo sa eleksyon. Kung maging kongresista kaya sya, kaya ba nyang i-knockout ang kahirapan ng bansa? kaya nya bang bugbubugin ang katiwalian sa gobyerno? Kaya ba nyang i-uppercut ang mga hinaing ng publiko. O baka maging tau-tauhan lamang sya ng mga nakakataas sa kanya at gamitin lamang sya sa kanilang mga pansariling interes. Sana huwag ng subukan pang pumasok ni Manny sa pulitika kasi tyak masisira lamang ang pangalan nya at kakalawangin ang mga tropeo nya kung nagkataon. Kung gusto nyang magsilbi sa bayan, magtayo na lang sya ng mga Foundation na tumutulong sa mahihirap, kung papasok sya sa pulitiko para maging sikat, hindi na kailangan yun kasi sikat na nga sya. Kaya bakit pa sya papasok sa pulitika?



Sa maisip ng ating gobyerno na maraming bagay na dapat pagtuunan ng pansin, maraming bagay ang dapat bigyan ng importansya. Walang masama ang humanga, o di kaya parangalan ang isang taong nagbigay sa atin ng karangalan sa mundo ng boxing pero sana tandaan natin na SPORT lamang yan at wala namang epekto yan sa nararamdamang kahirapan ng bansa. Hindi naman dadami ang investor sa bansa natin sa pagkapanalo ni Manny, hindi naman tayo papatwarin sa ating pambansang pagkakautang kung natalo niya si Dela Hoya, at hindi naman tayo yayaman kung sakaling manalo sya ng milyon milyon sa laban nyang iyon.



Ako hanga ako kay Manny, kasi magaling syang boksingero. Wala akong nakikitang mali sa ginagawa nya at talagang nagbibigay karangalan sa ating bansa. Subalit sana bigyan din ng malaking atensyon ang ibang suliranin ng ating bansa ng ating gobyerno, at bigyan importansya ang ibang bayani ng bayan natin na natumutulong sa pagunlad ng ating ekonomiya. Sana dumating ang isang araw na ang sasalubungin natin at bibigyan ng parangal ay ang mga Pilipinong nagbigay ng malaking kontribusyon sa ating ekonomiya. Dumating din ang pagkakataong magbubunyi ang buong Pilipinas dahil nanalo rin tayo sa wakas sa boksing ng buhay at naknock out natin ang katiwalian sa Gobyerno.


Iyun lamang po at maraming salamat!!

Wednesday, December 3, 2008

HAPI BERTDEY TATAY

Malapit na bertdey ng tatay ko December 10, medyo piptiseben na ata sya. Alam nyo maraming bagay ang talaga namang nakakabilib sa tatay ko. Kapuwitan mang sabihin na sya talaga ang “dabes tatay in da hol wayd unibers” (naku, lagi kong naririnig yan sa mga batang may hihingin lang na paekek sa mga tatay nila). Isang hamak na magsasaka ang tatay ko at kami ay nagmamay-ari lamang ng isang maliit na hasyenda na umaabot na libo libong ektarya (joke lang), madalas nakikita ko ang tatay ko na talaga namang hirap na hirap sa pag-aararo, tumatagaktak ang pawis sa pagtatrabaho, at magkandakuba kuba na sa pagtatabas ng damo. Samantala ako, ay pakuya kuyakoy at pakula kulangot lang sa isang tabi. Ayaw ko kasing mabilad sa araw kasi pakiramdam ko magiging nognog ako (eh pangit na nga ako, nognog pa). Eh wala ng magawa ang tatay ko kundi pagpasensyahan na lang ang suwail, tamad at napakakyut nyang anak.

Madalas pagdating ng sabado (kung saan wala akong pasok) eh mag-iisip na ako ng dahilan. Minsan sasabihin kong may “group project” kami, pero manonood lang ako ng sine, o hindi kaya magpapaulan ako at pagpapatiyo ng pawis para magkasakit ng Sabado. Yan ang paraan ko para makatakas sa bukid naming. Kaya naman nakakaawa naman talaga ang tatay ko kasi talagang nagbabanat sya ng buto para buhayin ang walo nyang anak na parang mga konstraksyon worker kung lumamon.

Madalas naman pag pinagsusuga ako ng kalabaw namin sa bukid, eh talaga namang halos takpan ko na ang buong mukha ko ng sombrero at mag mistulang parang ninja para hindi ako makita ng mga kaklase ko at tuksuhin, kasi nga ang press release ko noon “Mayaman kami”(hahaha!! kapal peys talaga). Basta halos hindi ko na matulungan ang tatay ko sa bukid, madalas pag pinipilit akong pumunta ng bukid talaga namang parang lindol sa amin kasi nagdadabog ako sabay banta sa nanay ko “Sige papuntahin nyo ako sa bukid, pag natuklaw ako ng ahas, mamatay ako” (kala mo namang napakahalaga ng buhay ko?hahaha)
Ang tatay ko araw na araw yun kung magsimba, santo nga kung tawagin ko yun eh. Saka kilalang kilala sa amin yan na napakabait na tatay, at ako naman kilalang kilala sa amin na napakasuwail na anak (joke lang, gud boy po ang pautot ko sa amin). Basta sya yung napakabait na tatay, kaya naman ang naging produkto nila ay mga mababait na bata katulad ko (kyut pa!!).

Marami pang mga ginuntuang aral ang binigay sa akin ng tatay ko na isinanla ko na sa mga pawnshop tulad nito
“Mag-aral ka ng mabuti anak, para magtagumpay ka” (Eh kitams kaya ako naging Onor istyudent)”
“Ang tao matuto lang mahiya, tao na” (Tao po ba ako tay?paano yan makapal peys ko)
“Huwag kang makakalimot sa Dyos, at laging magpakumbaba” (Amen po itay)
Iyan ay ilan lamang sa mga aral na bigay ng aking butihing tatay. Kaya ngayon nasa abroad ako at medyo nagmature na (parang hindi naman eh), medyo nagsisisi na rin ako sa mga pagkasuwail ko noong bata. Kaya naman bumabawi na ako sa tatay ko ngayon, hanggat maaari talaga namang ayaw ko ng mahihirapan ang tatay ko. Ayaw ko ng paountahin yun sa bukid at pinapaupa ko na lang sa iba. Madalas din pag tumatawag ako sa kanila laging may “AY LAB YU” kahit na baduy sa iba, pero sa akin eh makahulugan yun.Ayaw ko kasing maubos ang panahon na hindi ko man lang nasasabi ang mga bagay na iyon at maparamdam ko sa kanila hindi lang sa gawa pati sa salita. Masayang Masaya ako na sya ang naging tatay ko kasi wala ako sa kinatatayuan ko ngayon kundi dahil sa kanya, kaya utang na loob ko sa kanya ang lahat ng tagumpay ko. Kaya naman sa bawat pag-uwi ko rin, kinakailangan bibigyan ko sya ng pinakamahal na pasalubong sa lahat. Kahit man lang sa mga material na bagay eh magantihan ko ang kabutihan ng tatay ko.

Marami pa akog gusto sabihin sa kanya pero tyak aapaw ng luha dito (hahahha, may ganun kadramahan). Basta gusto ko lang ipagsigawan sa mundo kung gaano kabait at karesponsable ng tatay ko, para malaman nila kung gaano ako kapalad bilang anak nya.


Kaya sa Tatay Loreto ko, HAPI HAPI BERTDEY!!!

Saturday, November 29, 2008

ANG REGALO BOW



Usaping regalo ito kaya ang mga sumusunod ay ang mga regalong karaniwan kong natatanggap:


1. MUG


Minsan niisip ko mukha ba akong adik sa kape, aba tuwing pasko eh halos isang dosenang Mug ang natatangap ko. Aba nagamit ko na sa ibat ibang bagay ang mahiwagang MUG na yan, ginawa ko ng tabo, ginawa ko na ring lalagyan ng mga ngingatngat kong lapis at bolpen, at ginawa ko na ring pantakal ng bigas namin.

Minsan naman nakatanggap ako ng MUG na may SODJAK SAYN pa, eh nung natanggap ko yun gustong gusto kong ibalibag sa kanya. Sukat ba naman ang nakalagay ay ARIS, eh ISKORPYO ako, iniisip ko baka nakalimutan lang nya ang bertdey ko kaya nagkamali lang. Pero naisip ko rin “Putcha, eh sya yung ARIS ah”. Tapos makita kita mo may may pinagtuyuan pa ng kape.


2. PIKTYUR PREYM


Napakamakaysaysayan sa akin ng regalong yan, alam nyo ba kung bakit? Okay, ganito kasi ang eksena.


Grey siks, ako nun tapos may paek-ek ang mga titser ko nun na magkakaroon kami ng EKSCHENS GIPT sa Krismas Parti namin , tapos dapat ang regalo namin ay nagkakahalaga ng Bente Pesos. Eh ewan ko rin nga ba sa sarili ko nun, kasi nakaututan kong bumili ng regalo ng lampas bente, at kapal peys ba namang mag ekspek na mahal din ang makukuha ko

Heto na kamo, araw ng Krismas Parti, pagkatapos naming libutin ang buong bayan dala dala ang mga gawa naming parol (yung sa akin binili ko lang sa Divisoria), bunutan na ng regalo

“Okay namber piptin” sabi ng titser

“Ako po yun” , sabay abot ng namber ko na talaga namang nagkadapa dapa pa ako sa sobrang eksaytment, sobrang ekspek na ekspek ako nun, kasi mahal yung binili kong limang bimpo na ibat ibang Kolor (aba betsingko yun). Pagbukas ko ba naman ng regalo, halos mahimatay ako sa natuklsan ko. Isang makapanindig balahibong “PIKTYUR PREYM”, na may piktur pa ni Manilyn Reynes. (aba greyd wan pa lang ako piktyur preym na natatanggap ko)

Galit na galit ako nun, kasi pakiramdam ko nautakan ako ng kaklase ko, kasi tig kikinse lang yun samantalang yung sa akin betsingko pesos. Nung malaman ko kung sinong nagbigay, hinamon ko ng suntukan, sabay tapon sa basurahan ng piktyur preym. Nagsabi pa ako sa kaklase ko na yun
“Kapal ng mukha mo piktyur preym lang bigay mo eh tig kikinse lang yun, yung sa akin nga betsingko yun,Kapal ng apog mo!”

Tingnan mo naman ang kahanginan ng utak ko noong bata pa ako, talaga naman nanghamon pa ng suntukan dahil sa piktyur preym ni Manilyn Reynes. Akala ko nun pag mahal ang ineregalo mo mahal din ang makukuha mo . Grabe adik talaga ako noong bata.


3. PIGURIN AT KANDILA


Medyo pinag-iisa ko na yang dalawang regalo na yan, kasi halos pareho lang naman yan. Halos tuwing bertdey ko, pasko, bagong taon at kung ano ano pang okasyon yang dalawa yan ang di nawawala. Sa tagal tagal ko ng nakakatanggap ng regalo halos hindi pa ako natatanggap ng buong pigurin, pakiramdam ko sa tuwing nakakatanggap ako ng Pigurin kailangang pahirapan pa akong pagdikit dikitin na parang puzzle ang mga basag na Pigurin, katulad ng mga Piguring Angel na putol ang ulo, sira ang pakpak, barag ang mukha o di kaya naman hati hati ang katawan. Kaya nagmumukha tuloy manananggal ang mga Angel na Pigurin ( Kawawang mga Anghel, nakalog at nagkalasog lasog pa ang katawan.) Minsan naman ginagawa kong TSOK ang mukha ng mga anghel na pigurin, kaya may “work of art” ako nun sa mga dingding namin.

Yung kandila naman, okay naman sana kung medyo pangmayaman, yung iba kasi akala lahat ng kandila pwedeng pangregalo, minsan pinagloloko ka pa ,kasi kandilang pampatay pala yun, sasabihin pa sa iyo, “Uyyy may amoy yan”, nung inamoy ko naman amoy GAAS . Minsan naman magreregalo ng kandilang santa claus, o di kaya mickey mouse, pero itong mga kandila ito ang hindi pwedeng sindihan, kasi pag ginamit mo at sinindihan, matatakot ka na lang, kasi si Santa Claus naaangnas ang mukha o di kaya si Mickey mouse mukhang nalitsong bubwit, kaya naman matatakot ka pa. Hindi ko na nga nagagamit yun pag brownout kasi nakakatakot ang itsura nila paglulusaw kaya pinagdidiskitahan kong gawing plorwaks.


4. PANYO O BIMPO


Medyo iyan din naman ang madalas kong panregalo pag wala na talaga akong maisip. Paepek pang sasabihin kong, “kasi alam kong mahilig ka sa panyo”. Pinaganda ko lang na “Kasi uhugin ka at nagmamantika ang katawan mo sa pawis kaya panyo bigay ko sa iyo”. Hahahaha!! Pero ako rin naman isandamakmak na panyo ang natatanggap ko (yun rin kaya iniisip nila sa akin??).

Madalas yan ang natatanggap kong regalo sabay sabi pa na “Uyy, Caruso yan!!”. Nice para bang sinabing “Iyan ang pinakamahal na pamahid ng sipon at kulangot”, kahit na mukhang KATCHA o basahang ginawang square eh todo hiyaw pa ng tatak. Minsan naman Bimpo, na may nakalagay na “GOOD MORNING”. Sabay lagay sa batok at sisigaw ng “Ay Quiapo Quiapo, upong tig ootso lang!! (barker pala).


5. SUBENIR


Naalala ko yung ate ko, noong bata pa sya at hindi pa nagpapanty. Krismas Parti namin sa Choir noon at syempre may EKCHENS GIPT uli, dis taym tig tetrenta na (tinaas ang level). So ang ate ko eksayted din at namili na ng Curly Top at Serg (yung kalaban ng Nips noon), kaya naman ganun din sya ka-ekspek na maganda ang makukuha rin nya (magkapatid nga kami).
Heto dumating na ang araw ng Krismas Parti, at bigayan na ng regalo,
“Okay namber payb” sabi ng maestro namin

“Ako po yun, ako po yun!!” nagkukumarat ang ate kong may hangin din ang utak

Pagkaabot ng regalo sa ate ko, hayun binuksan agad, eksyated na eksayted eh.
Pagbukas nya ng regalo halos lumuwa ang mata nya (hulaan nyo ang regalo nya??? Uhhmmm hindi piktyur preym), pagbukas nya ng regalo isang wallet na kulay puti na medyo pamilyar ang hitsura, Kaya pala pamilyar eh "GIVE AWAY"pala yun ng suking tindahan ng nanay ko , tapos may nakalagay sa gitna “Aling Miling's Store”


Umatungal ng pagkalakas lakas ang ate ko, sabay sabi “PURUROT ANG NAKUHA KO, PURUROT”, eh hindi ko naman masisisi ang ate ko, eh kasi naman eh sandamakmak na wallet na may “Aling Miling's Store” ang meron sa amin.


Pag-uwi ng bahay, nasa gate pa lang ang ate ko, umaatungal na, na parang baka.

NANAY, NANAY!! Pururot ang nakuha ko, pururot!!! Na halos lumubo ang sipon at tumutulo ang laway.

Eh takang taka ang nanay ko bakit ganun na lang ang atungal ng kapatid ko.

“Eh ano ba ang nakuha mo?” tanong ng nanay ko

“Ito po!!” sabay ipinakita ng ate ko yung regalong natanggap nya, sabay singhot ng uhog

“AY!! PURUROT NGA!!!” sigaw ng nanay ko.

Naalala ko pa yung mga eksena yan sa amin. Eh nung i-trace namin kung sino ang nagbigay ng pururot na yun, napag-alaman naming yung pinsan ko pala, tapos sya rin ang nakatanggap ng regalo ng ate ko. Hehehehe!napakautak ng pinsan ko na yun, hindi man lang nag-effort.


6. KUNG ANO ITINANIM SYANG AANIHIN


Yung kuya aba, kahit malaki at nanliligaw na, talaga namang may lahing intsik ata yun at pinaglihi ng nanay ko sa belekoy sa sobrang kuripot. Akalain mo bang ginagawang SM o tyangge ang Displeyan namin. Aba kala mong nagshoshopping kasi titingin tingin sa mga pigurin o kahit anong nasa Displeyan namin, ipapabalot at gagawing regalo ng LUKO. Ayaw mabawasan ng pera kaya doon nagnenenok sa mga dating regalo sa amin. Aba kahit ba naman yung Angel na halos mukhang demonyo na dahil sa ubod ng dungis aba pinapatos. Kaya madalas wala na rin akong mapanregalo (ako rin pala)


Nung minsan naman nagregalo ako sa isang kaibigan ko ng libro, yung libro na yun eh bago pa saka hindi ko pa nababasa kaya tamang tama panregalo, kaya binalot ko na at umaten na ako ng bertdey parti nya (syempre chibugan yun kaya dapat nandun ako). Pagdating dun inabot ko na yung libro, pagbukas nya ng regalo:


“Wow, ganda naman ng regalo mo, siguro tagal mong pinag-isipan ito”


Sabi ko lang “Oo naman halos mapudpod ang sapatos ko kakahanap nyan” habang lulon lulon ang hita ng praydchiken


“Eh gago ka pala eh, regalo ko sa iyo ito nung bertdey mo” sabay batok sa akin.


“Ah ganun ba, sori”


Buti na lang barkada ko yun. Hehehe. Dapat pala gayahin ko yung istayl ng nanay ko pagpyesta sa amin. Ginagawa nya, inililista nya kung ano ang binigay ng bisita para kung magreregalo sya hindi nya maibigay ang mga ineregalo sa amin. Minsan din hinahangin din ang utak ng nanay ko. (alam ko na kung saan ako nagmana)


Opppsss…. Tama na yan seryoso mode na ito. Well sa totoo lang hindi naman mahalaga kung ano ang regalo ng isang tao ang mahalaga eh kung bukas ba sa loob nya ang pagbibigay. Sabi nga nila “it better to give than to receive”, kung sino ang nagsabi alam nya na kung magbibigay ka makakatanggap ka rin naman, maaring kaligayahan kasi nakita mong naging Masaya ang kapwa mo, o kasiyahan kasi naibahagi mo sa iba ang mga biyaya mo.


Maraming mga bagay na hindi maaring bilhin ng pera, kaya kung magreregalo tayo, isama natin ang bahagi ng sarili natin sa regalo natin. Masarap makatanggap ng regalo pero mas lalong masarap sa pakiramdam kung yung taong pinagbigyan mo ay masayang Masaya dahil sa ibinahagi mo sa kanya. Hindi nasusukat ang halaga ng regalo sa presyo nito, nasusukat ito kung gaano karaming pagmamahal ang inilagay mo kasama ng mga regalo mo.


Ngayong pasko gawin natin maging makabuluhan ang bawat regalo natin, ito ang araw ng pagbibigayan, at magandang ibigay mo ang sarili mo sa iba, tulad ng Panginoon natin ibinigay Nya ang Kanyang sarili ng buong buo para sa atin kaya tayo may Pasko ngayon.


Iyan lamang po at maraming Salamat, Merry Christmas at Happy New Year.

Sunday, November 23, 2008

HAYSKUL LAYP


High school life, oh my high school life

Ev'ry memory, kay ganda

High school days, oh my high school days

Are exciting, kay saya

High school life, ba't ang high school life

Ay walang kasing saya?

Bakit kung Graduation na'yLuluha kang talaga?


Hindi ba si ate Shawie ang kumanta nyan, nung mga panahong medyo di pa sya nakakalulon ng pakwan at lumulobo na parang siopao ang pisngi.


Siguro kung tatanungin nyo ako kung anong stage sa buhay ko ang aalisin ko, siguro sasabihin ko yung HAYSKUL LAYP, gulat kayo noh, ipapaliwanag ko kung bakit.


Noong hayskul ako, na kung saan nagsisimula akong tubuan ng kung ano anong buhok sa katawan, at pumipiyok piyok ang boses, naranasan ko ang mga ganitong mga bagay;


AKO RAW AY ISANG LATAK


Alam nyo ba yung latak? Impurities sa Ingles. Natatandaan ko nun mayroon kaming “School Play” at ka-partner ko yung kras na kras kong kaklase (greyd por pa lang ako eh pinapantasya ko na sya.) Aba walang kaabog abog ba namang sabihin,


“Alam mo Drake, ikaw lang ang latak sa pamilya mo. Kasi mga kapatid mo gwapo, mapuputi at magaganda, ikaw payatot, maitim saka pangit.” Sabi nyang ganun


Aba medyo nabingi ako sa lakas ng dating ng mga salita nya, kaya pinaulit ko para makuha ko ng maayos baka kasi mali lang ang dinig ko. Kaya inulit nya, aba iyon din ang sinabi may dagdag pa kamo, UNANO daw ako, at di pa sya nasiyahan hinigan pa nya ng komento yung isa ko pang kaklaseng babae.


“ Diba noh, ibang iba ang mukha ni Drake?”


“Ay, Oo nga” (sabay tawa na parang mga mangkukulam)


Noong mga araw na yun gustong gusto kong pagbuhol-buholin at gawing pretzel ang mga lungs at esophagus ng mga kaklase ko na yan sa sobrang inis. Kung may hawak lang akong bolpen nun malamang tinusok ko na ang mga mata nila at ipapagulong ko sa haraninang kulay orange para gawing KWEK KWEK


Basta ang sarap bangasan ng isa ang mukha ng KRAS ko. At batukan ng dalawa yung sidekick nya. Aba sabihin ba naman yun INMAY PEYS.


CADET OFFICER TAE


Naku ngayon ko lang isasambulat ang isang ito, buti na lang at walang nakakakilala sa akin dito. Well di naman sya ganun kahiya hiya, Ganito ang kwento, HELL DAY namin sa COCC. So isang araw ng pagpapahirap para patunayan ang “TEAMWORK” naming mga cadet officer. So dahil kamo ako yung mukhang uto uto. AKo yung kinustaba ng aming Commandant.


Ang sitwasyon: Habang nasa kalagitnaan kami ng aming Drill, Magkukunwari akong sasakit ang tyan at tatae sa damuhan, at para mapatunayan DAW ang aming “Teamwork”, ipapakain ang kunwari kuwariang tae ko (pinagsasama samang kornik, tinapay at puti ng itlog, medyo magaling ang pagkakagawa ng japek na tae, kasi may mais mais pa). At walang magawa ang mga ka-officer ko kundi lasapin at kainin ang aking madilaw dilaw na TAE. Hahahaha!!


Halos isumpa ako ng mga kasamahan ko, pati yung EKS GERLPREN na kasamahan ko rin, halos murahin ako nang pagkalutong lutong.


Okay sana kung hanggang ganun lang ang nangyari, kasi naipaliwanag naman ng Commandant namin sa mga kasamahan ko na paepek lang nya yun. Pero ang hindi ko kinaya eh, nung kinabukasan SUMAMBULAT na parang tae ang chismis, na natae daw ako sa aming Room, at lahat ng nakasalubong ko ang tawag sa akin ay “BOY TAE” sabay tawa ng pagkalakas lakas. Lahat ng kaskulmeyt pag nakikita akokung hindi nandidiri eh tumatawa sa akin na halos lumubo ang sipon.Eh sige nga sino ba naman ang matutuwa sa ganung pangyayari, halos isumpa ko ang buong iskwelahan namin, kasi napahiya ako ng sobra sobra, eh nagbibinata na ako nun, tapos pagtutuksuhin ka ba namang “BOY TAE”.


Talaga namang isinusumpa ko yung pangyayari na iyun.


DAKILANG TALUNAN


PERS DYIR palang ako nun medyo aktibo na ako sa klase, dahil nga medyo lider lideran ako noong elementary at Onor istyudent mula greyd wan hanggang greyd siks, kaya naman pinangarap kong maupo sa aming pinagpipitagang “ ISTYUDENT KAWNSIL” .


KAMPEYNDEY na, at halos lahat na ata ng gimik na pwede kong gawin ay ginawa ko na. Nandyan kumanta ako ng piyok piyok para maaliw ang mga baluga kong kaklase, magpasirko sirko na parang unggong nakasinghot ng acetone o rugby, sumayaw kahit parehong kaliwa ang paa ko at matigas pa sa adobe ang beywang ko,at maubos ang lahat ng kapangyarihan ko para idakdak ang mga plataporma namin(tulad ng pahabain ang oras ng recess, walang pasok tuwing exam day, at pwedeng mangulangot habang recitation, hehehe, joke lang).


Basta lahat lahat ay ginawa ko na makuha ko lang ang boto ng mga hinayupak kong mga kaklase. Pero talagang gusto lang nila akong pagtawanan, kasi hindi naman ako binoto. Ang nakakainis pa eto sasabihin sa iyo


“Congratulation siguradong panalo ka na”


Sasagot naman ako “ Salamat po”.


Pagkatapos malalaman mo na milya milya ang lamang ng kalaban at ikaw ang kulelat. Eh mga plastik pala sila eh. Ang sama pa nyan dadalawa dalawa kaming lumaban ako pa ang natalo.
So unang pagkabigo, iniisip ko nun ,eh baka sa una lang yun, kaya nung nag SEKON DYIR lumaban uli ako, at nangampanya, pero dis taym medyo itinaas ko na yung level ng pangangampanya ko, meaning kumain na ako ng buhay na manok, naglalakad sa baga at tumulay sa alambre.At maraming nagsasabi na dis taym, syur win na daw. Eh medyo pakiramdam ko nga panalo na ako, pero talagang puro kalahi pala ni Hudas ang mga kalsmeyt ko, kasi hayun kulelat uli ako.


Kaya nung kinukuha uli ako noong TERD DYIR para lumaban, eh umaayaw na ako. Syempre kailangan ko namang isalba ang maganda kong pangalan. Pakiramdam ko kasi ginagawa akong UTO-UTO o kaya clown tuwing nangangampanya.


TITSER ENEMINAMBER WAN


Eh komo, nawala na ang gana ko sa pag-aaral, lahat naman ng kagaguhan ay ginawa ko na. Ako ang suki ng pagdadamo at paglilinis ng buong skul namin kasi lagi akong leyt .Hindi na ako nag-aaral, nagnungulakot na lang ako buong maghapon, at iniintay ko na lang mag-bel. Pero sabi nila natural daw ang katalinuhan ko (Naks naman!), kasi kahit bulakbol at di ako nag-aaral eh lagi akong nasa Top Ten (hehehe!!). Ako kasi yung tipong “GUD BOY” ang dating, kahit na daw magpakagago at magpakabulakbol ako sa klase mukha pa rin daw akong uto-uto.Kaya hindi sineseryoso ng mga titser ko ang pagkabulakbol at pagiging leyt ko. Madalas sa akin pa rin inuutos ang pagtitinda ng pulburon at yema, sabay sulat sa “Class Record” ng plus 5 sa bawat pulburon at yemang bibilhin nila.


Ngayon kungtatanungin mo daw ang mga Hays skul titser ko kung ano ang naalala nila sa akin sasabihin nila:


“Ah si Drake, yung batang maliit na nahulog sa sapa at gumulong sa pilapil, whahahhaha” sabay tawa na kita ang wisdom tooth at ang maliit na bituka” iyon ang naalala nila sa akin, hindi ko alam kung bakit, gusto ko sanang sabihin:


“Ma’am ako po yung nanalong Best Presentor sa buong prabins natin, at ako rin po ang pinanlalaban nyo sa mga Quiz Bee at contest, Best in Science po ako Ma’am”


Eh sa dinami-dami rin naman ng mga binigay kong karangalan sa skwelahan namin, ewan ko ba kung bakit yun ang lagi nilang naalala sa akin. Ginagawa na naman akong katatawanan at UTO UTO. Kawawang Drake. Hahahah


Ngayon, medyo kahit papaano eh nagbago na ang lahat, medyo hindi na akong tinatawag na latak, kasi pumusyaw pusyaw na ang kulay ko, tumangkad at gumwapo na (walang pakialamanan blog ko ito!!!), Marami nga ang nagtatanong sa mga nanay at tatay
“ Anak nyo ba ito? bakit mukhang artista” hahahaha, dagdag ko na yun. Joke lang!!
Yung pagiging loser ko naman ay nakatulong para di ako sumuko agad sa buhay, kumbaga minsan kailangan nating maranasang mabigo para magtagumpay,tanggapin ang bawat pagsubok ay hamon para sa ikabubuti at ikakaunlad mo. (Naks may lesson pala!!!)


Yung pagiging Cadet Officer Tae ko naman………………. hayun wala namang naitulong sa buhay ko, hahaha!!Minsan ganyan talaga, may bahagi sa buhay natin na masarap burahin ng eraser o kaya lagyan ng LIKWIDPAPER, pero sabi nga nila kung hindi dahil sa mga kabiguan natin at mga paghihirap natin hindi tayo magtatagumpay. Masasabi ko na yung mga naranasan ko noong hayskul ang naging daan ko para makuha ko kung ano ang meron ako ngayon.
Totoong gusto kong alisin ang yugto nayan sa buhay ko pero ano pa man ang nangyari sa nakaraan ko sisiguraduhin kong hindi sya magiging balakid para sa buhay ko ngayon at sa hinaharap pa. Tandaan “Minsan kailangan natin matikman ang pait bago natin mas lalong manamnam ang tamis ng isang bagay”. Maramdaman nating magiging mababa para kung mapunta ka naman sa mataas marunong tayong abutin at maintindihan ang mga nakakababa sa atin at ituntong ang mga paa natin sa lupa.


Ngayon tinatawanan ko na lang ang lahat ng mga nangyari sa akin noon, alam ko kasi kung hindi dahil sa UTO UTONG DRAKE na yan, hindi siguro lilitaw ang totoong DRAKE ngayon.

Sige po, salamat sa time nyo,

Saturday, November 15, 2008

Masakit ang Ipin ko!!!

ASTIG TO AHHH!!! Binabarena ang ipin ni Lolo, ano kala nila dun pader!!hehehehe

Ginawang kahoy ang ngipin ni Kuya,pinapaet kasi eh!!hehehe

______________________________________________________________
Medyo ngayon ko lang napag-isip isip na talaga palang napakahalaga ng ngipin natin, eh sa maniwala kayo o hindi (malamang di kayo maniwala, hehehe) isang beses palang ako nakakapagpabunot sa Dentista. Di ko naman masasabing perfect ang ngipin ko, pero nabunutan na rin naman na ako noong bata pa ako. Kund hindi pa mamaga ang ngipin ko ng Todo ay hindi ko naman talaga ako magpapabunot sa Dentista


Teka heto yung istayl ng nanay ko noong bata pa ako para makalibre ako sa pagbababunot ng ngipin.


MAHIWAGANG SINULID

Pag umuuga na si IPIN, eh simula na ng operasyon ni Nanay, kukunin na nya ang sinulid nya at ipapalibot sa IPIN ko, habang gumagalabog na parang yabag ng elepante ang dibdib ko sa kaba. Kasi anytime, eh hihilahin na ng nanay ko yung sinulid na yun na ubod ng lakas, kasing lakas ng utramagnetic top ni Voltes V. Sabay bilang ng one, two, three…….. hayun bunot na ang bulok na bulok kong IPIN, resulta ng pagkahilig ko sa TSOKOBOT at TIRA-TIRA (di kami mayaman kaya hindi chocolate ang dahilan).

PINTO NG LANGIT

Heto pa ang isa pang gamit ni nanay, ang mahiwagang pinto namin. Eh kasi naman minsan natatakot akong sya ang bumunot sa akin, madalas kasi hindi kinakaya ng kapanyarihan ni nanay ang IPIN ko, kaya bahang baha ng luha ko ang bahay namin, eh kasi naman hindi pa mabunot-bunot ang IPIN ko kahit anong gawing hila, kaya gumagamit si nanay ng makakatulong nya sa operasyon, at ito nga ang napakalaking pinto namin. Itatali nya ang kurdon sa umuuga ugang ngipin ko, ikakabit sa nakabukas na pinto, at BANGGGGG sabay sara ng pinto. Kasama ng doorknob ang maitim itim na ngipin ko, sabay takbo sa LABABO, mumog ng maligamgam na tubig.

MAKAPANGYARIHANG DALIRI NI NANAY

Eh minsan kasi kumakain ako ng mais, o di kaya tubo o kornik, eh komo umuuga na sya, at dahil sa kasibaan ko medyo madali na syang bunutin. At dahil hindi ko kayang bunutin ang sarili kong ngipin eh tawag agad ako kay nanay, sabay pasok ng daliri sa bunganga kong punong puno ng mais, TSUKKKKK, tanggal.

Eh kaya bakit kailangan mo pa ng dentista, eh yakang yaka naman ni nanay yan. Yun nga lang nung medyo lumaki na ako, eh ayoko ko ng pagbunot ng ngipin sa kanya.Hehehe, kasi masakit na kasi yun, wala kasing anestisya.

Noong malaki laki na ko at nung minsan natutulog ako, nanggising ang bwisit na IPIN na yan, palibhasa may butas kasi kaya naman sumakit sya habang himbing na himbing ang lahat, at talaga namang tinapat pa nyang nasa kalagitnaan ako ng pagtulog, kung hindi ba naman inis yang IPIN ko na yan, eh tinapat pa ng madaling araw. Hindi ko na maitindihan ang pakiramdam ko nun halos mabaliw ako sa sakit, eh sa lahat naman ng sakit, ang sakit ng IPIN ang talaga namang kasumpa sumpa. Hindi na baleng kahit anong parte ng katawan mo ang sumakit, wag lang ang IPIN mo, kasi halos lahat dinadamay nya, kaya mananakit sa iyo ang lahat. Dyos ko po, halos lahat ng santo ay ginigising at binulabog ko na, pero talaga namang ayaw mawala, nangangapal at nalalapnos na ang bunganga ko kakamumog ng maligamgam na tubig na may asin talaga namang ayaw maalis ang sakit. Nandyan lagyan ko isang galong pabango ang bulok na IPIN ko dahil mabisa raw yun, o di kaya pagsasampalin ko at pagsusuntukin ko ang pisngi ko mawala lang din ang sakit, pero talagang PASAWAY yang IPIN ko na yan. O di naman kaya pasakan ko ng earphone ang tenga ko at magpatugtog ng ubod lakas na music para masalisihan ko ang sakit ng IPIN ko. PEro para talagang may sariling utak yung bulok na IPIN ko na yun, kasi namumuswit talaga. Hayun tiniis ko na lang at wala akong magawa kundi mag-intay hanggang umaga at bumili ng UBOD LAKAS to the HIGHEST LEVEL na pain reliever. Noong mga panahon na yun, halos nagpagulong gulong na ako sa buong bahay at laging nakatingala sa orasan, pakiramdam ko iyon na ang pinakamahabang gabi ko at ang hindi ko malilimutang pangyayari sa buhay ko.

Pagkatapos kong lulunin ang isang banig na Pain Reliever na parang NIPS, hindi na ako nag-aksya pa ng panahon at nagkukumahog na akong pumunta sa Dentista.

“Doc, parang awa nyo bunutin nyo na ang bwisit na ngipin na ito” sabi ko

“Naku hindi pa pwede namamaga eh, siguro bumalik ka na lang pag wala na yung maga. Hindi kasi pwedeng bunutin yun eh”. Tugon ng denstista habang nabuyang buyang sa Planet Earth ang esophagus at yung kampana sa loob ng bunganga ko.

“Seggggge nahhh Dooooc” pagmamakaawa ko habang bukang buka ang bibig ko

“Di talaga pwede eh, sorry intay ka na lang ng mga 4-5 day” sabi nya.

So wala akong magawa kundi mag-intay kasi nakasampung dentista na rin ang pinuntahan ko noong araw na yun at lahat sila tumanggi. Kaya naman ngitngit na ngitngit ako nun.
Makalipas ang ilang araw nawala na rin ang maga, at sa wakas matatanggal na rin ang nakapanginig lamang IPIN ko na ito. Pagkatapos matanggal ang ngipin ko sinabi ko kay Doc.

"Doc pwede bang maarbor ko na lang yang bulok kong ngipin” sabi ko sa kanya na lulon lulon ang bola ng bulak.

“Ha!bakit ano gagawin mo dyan?”

“Eh souvenir lang po, heheheh”. Sabi ko sa Doc.

Pagkauwi ko sa bahay, naisip ko sa sarili ko ito na ang araw na pinakiintay ko, makakaganti na rin ako sa bwisit na IPIN na yun. Kaya ang ginawa ko, kinuha ko ang malaking martilyo ng tatay ko, at pinagdidikdik ko ng TODO TODO ang bulok na IPIN , sabay sabi “YAN PUPULBUSIN KITA, IKAW ANG NAGPAHIRAP SA BUHAY KO”, hehehhe gigil na gigil talaga ako noon. Pagkatapos kong mapulbos ang IPIN ko, ginawa ko tinapon ko sya sa pusali, unti unti ko syang pinamudmod sa pusalian na parang cheese sa ibabaw ng spaghetti habang ngisi-ngisi ako. Hahahahhaha. Kahit papaano naibsan na yung inis ko sa ipin ko.
Ganda ng kwento ko noh, hehehehe, yung una medyo siguro mapapahawak ka sa panga mo kasi MORBID ang mga estayl ng nanay ko eh. Pero meron akong gustong ibigay sa inyong lesson tungkol sa kwento ko na ito (naks may moral lesson pala).

Sa buhay natin minsan may mga taong mananakit sa iyo ng sobra sobra, gaya ng pagsakit ng IPIN natin. Minsan lahat na ng paraan ay nagawa na natin para lang maibsan o kaya mawala ang kirot na nararamdaman natin. Pero hanggat nandyan pa rin ang bulok na ngipin (tao) sa buhay natin, uulit at uulit ang sakit anumang oras. Minsan ang tanging paraan pala para mawala ang sakit na yun, ay tanggalin sa buhay mo ang taong nagbibigay sa iyo ng sakit. Kumbaga sa IPIN kailangang natin bunutin din ang mga taong magbibigay pa sa atin ng mamasakit na mga bagay. Kung minsan kailangan natin mag-intay ng ilang panahon at palipasin muna ang sakit na nararamdaman natin, o di kaya umimom muna ng gamot, mga gamot tulad ng paglilibang sa sarili natin o di kaya sumama sa mga taong tutulungan kang mapagaan ang kalooban para lang mawala ang maga. Ang pagkatapos ay tuluyan na syang ipabunot at tanggalin na sa buhay mo. At kung kailangang pulbusin mo at ibuhos ang lahat ng hinanakit mo sa taong yun gaya ng pagdidikdik ko sa IPIN ko,gawin mo pero dapat pagkatapos noon ay matutong kang magpatawad at itapon sa kalaliman ng pagkalimot (pusali) ang lahat ng inis at galit mo sa taong yun. Tandaan mo tyak may sisibol at sisibol na bagong ngipin (tao) na kukumpleto sa buhay mo, kailangan mo lang ay mag-intay, pero kung di sya sumibol, okay lang at least di na kailanman sasakit pa ang bahagi ng IPIN mo na yun.

Yun lamang po at maraming salamat.

Thursday, November 13, 2008

Kakaibang mga Signage (Oni in da Pilipins)

Teka ako lang ay may ipapakita sa inyong mga signage na talaga namang takaw pansin, eh grabe sa katalinuhan natin mga Pilipino, kakaiba talaga, wala akong masabi, da best talaga, okay isa isahin natin ha ito na

1. ALE PA-EHI NGA PO!!!

Okay tingnan nyo itong piktyur na ito. Mahabagin Dyos, onli in da Pilipins lang makikita mo ang mga signage ito na kung saan may bayad ang Pag-ihi at Pag tae (ay sori EHI pala), at sosyal si ate talaga namang may “COUNTER” pa sya. Teka talaga namang kakaiba, alam kong sari-sari store din ang MINI COUNTER ni ate, pero ang nakalagay naman sa tindahan nya ay naghuhumiyaw na karatulang TAE at IHI at may presyo pa. Paano kaya kung bumili ka sa kanya “ATE PAGBILHAN MO NGA AKO NG TAE YUNG TIG DO-DOS”. Astig talaga ito.


2. ANO PO BA ANG ISPELING NG SPELLING


“TODO NA ITO”, tayong mga Pilipino ay may problema sa Fi (P) at saka sa EP (F), at madalas pinagbabaliktad natin. Eh kasi naman wala namang F sa alpabetong Pilipino, kaya di mo masisisi! Yung nga lang talaga namang TUMODO ang isang ito, at talaga namang nakaCAPS LOCK pa at nakapaskil pa. Pakitingnan mo yung ELECTRECT PAN, pinahirapan pa yung ispeling. TEka ganda ng apelyedo ni kuya ah ALULOD, tamang tama maulan ngayon.

3. DRINK FOR THE WEEK

KUMUSTA NAMAN YAN???, Ganda ng pangalan ng drink ah “PUNETA”(punyenta). Kunwari pupunta ka sa restoran tapos umorder ka “ PA-ORDER NGA NG PUNYETA” o di kaya “PUNYETA ORDER KO!!” grabe tyak kung sino ang makakarinig nito aba talagang mapapamura sya. Pag nasarapan ka dito pwedeng nyong sabihin “ANG SARAP NAMAN NG PUNYETA ” o di kaya “PUNYETA ANG SARAP ” hahahahha!! Ibang klase talaga ito PUNYETA (teka dipo ako nagmumura)

4. AYOS AH!!!

DYUS KO PONG PINEAPPLE JUICE!! Hello, spelling nalang ng Juice nagkakamali pa?? Lilimang letra na lang yan talagang nagkakabaligtad pa. Si Nene walang kamuwang muwang na minumurder na ng nanay nya ang ispeling ng JIUCE este JUICE pala. Para sa iyo Nene ikampay mo!!!!

5. BAWAL UMIHI SA PADER (ASO????)

“KAKATAKOT NAMAN NG BABALA ITO” teka sa aso po ba ito o sa tao. Teka may lettering pa talaga, binigyan talaga ng panahon para sa masyadong informative na karatulang ito. Kawawa naman yung mahuhuli at umiihi sa sahig at pader. Teka may nahuli na ba??

6. MAHIWAGANG KARINDERYA (LAST BUT NOT THE LEAST…..DANDANDANAN…

TEKA ANO PO BA ANG TINITINDA DITO??, hahahahhaha!! Wag mong sabihin ang may-ari ng karinderya na ito ay si ALING PEKP*K, ayaw ko munang magkumento tungkol dito kasi medyo WHOLESOME ang image ko. Pero balita ko malakas daw ang karinderya ni ALING P……. (oppss) lalo na sa mga KONTRAKSYON WORKER , heheheh (hindi raw construction kundi contraction daw) .

GRABE NO!! DI KO KINAYA ANG MGA SIGNAGE NA ITO!! ONLI IN THE PILIPINS

Wednesday, November 12, 2008

Love Letter ko sa Sarili ko!!!



Grabe 26 na ako, medyo malapit na akong tumuntong sa 30 (kabeberday ko lang kasi last November 10) . Matagal na akong nakikita ng katulad ng sinulat ko sa ibaba pero this time gagawan ko ang sarili ko ng love letter,heheh


Dear Drake,


Happy Birthday bro, aba akalain mong umabot ka na ng 26, medyo tumatanda ka na ah. Ano kamusta na ang buhay natin dyan sa Saudi, okay naman ba? Eh mukhang okay ka naman dyan eh?


Well, kukunin ko na ang pagkakatong ito para sabihin yung mga nakikita kong mali sa iyo eh sana wag mong masamain.


Una, bro marami akong naririnig sa iba na masyado ka raw mataas (hindi yung height mo!), masyadong mataas daw ang standards mo, yung tipong masyado kang diretso sa mga plano mo sa buhay at parang bawal magkamali. Aba loosen up bro, galaw galaw para di ka mastroke. Aba baka naman mafrustrate ka nyan, basta hinay hinay lang, saka one at time lang. Ganun bro. Sabi nila “Too good to be true”ka daw kasi parang lahat ng perceptions mo sa buhay ay halos perfect(yung iba hindi na kapanipaniwala), aba baka magmukha ka nang ALIEN nyan, kasi iba ka sa karamihan. Eh ipagpaliban mo muna ang ibang plano mo, at mag-enjoy ka muna ng konti. Basta magpakasaya ka muna, wag magseryoso masyado, sige ka baka kunin ka agad ni Lord.


Pero sa totoo lang bro natatawa ako kasi alam ko namang masyado kang mababaw, kung tumawa ka nga kita utak mo . Tapos buraot ka pa, saka alam ko kasing ENG-ENG (tatanga tanga) ka rin eh. Eh saksi ako sa pagiging ENG ENG mo, hahaha, tulad nung nagmarunong kang magmicrowave, imbes na maluto ang pagkain hayun pinasabog mo yung microwave sukat ba naman ilagay sa 220V eh 110 yun! Saka di mo ba napapansin lagi kang niloloko ng mga officemate mo kasi mapaniwalain ka sa lahat ng bagay in other words “UTO-UTO”.


Bro, isa pa masyado ka raw “CONCEITED”, hehehe!! Eh yung iba nga tingin sa iyo suplado, mayabang nagfefeeling pogi (eh hindi naman), eh alam kong biro biro mo lang yun, pero sa iba na hindi ka kilala, eh baka bangasan ka na lang bigla bigla. Baka mahanginan sa iyo yun, daig mo pa kasi ang bagyong Rosing kung manalanta. Wag ganun, be friendly bro, smile smile and smile. Ngiti lang ng ngiti kahit sumakit na ang panga mo. Hehehe.


Isa pa, eh kalimutan mo na yang EX mo, kalimitan kasing bukang bibig mo yun. Eh alam mo namang may pagkakamali ka rin kung bakit nagkaganun, so hayaan mo na move forward bro (mas maganda yun kesa sa move on). Eh tutal hindi na nga kayo magkakabalikan pa, so hayaan mo na lang. Wag ka ngang BITTER, eh darating naman sa iyo ang tamang babae para sa iyo. Intay intay ka lang, malay mo mas maganda at sexy ang maging kapalit. Hehehe. (baka babaeng aso ang ibibigay sa iyo)


Eh alam kong may pagkaulyanin ka, so sana medyo mabawas bawasan mo na yun. Aba nagtataka nga ako sa iyo eh kay bata bata mo pa daig mo pa ang lolo mo sa pagkaulyanin mo. Tamad ka ring masyado, kasi medyo maraming gawain sa bahay ang tinutulugan at kinakatamaran mo, tulad ng paglilinis mo ng Aquarium, paglalaba, paglilinis ng kwarto, at kung ano ano pa. Bro, hindi nabibili sa botika ang kasipagan, nasa iyo yun bro,kaya kumilos kilos ka at wag tatamad tamad.


Bro, medyo kontrolin mo rin yung inis mo, alam kong yung ibang kasamahan mo sa trabaho ay talagang nakakainis, kasi sa iyo tinatambak ang mga trabaho nila, o di kaya inaabala ang pagfre-friendster at panonood ng youtube, kontrol lang. Medyo ikaw na ang mag-adjust kung sakaling mahinang umintindi yung kasamahan mo sa trabaho, o di kaya aabalahin ka para mga walang kabuluhang bagay. Pagpasensyahan mo na lang.


Iwasan mo na rin ang pagiging gastador pag nagbabakasyon ka, aba para kang galit sa pera ah. Medyo mag-ipon ipon ka na rin dahil tumatanda ka na. Basta hinay hinay sa paggastos, aba nauubos din yan, kung dyan sa Saudi nagtitipid ka pagdating mo naman sa Pinas aba daig mo pa si Asyong Aksaya sa paggastos. Bro mahirap din kitain ang pera, kaya magtipid ka na.


Bro marami pa akong nakikitang mali sa iyo, pero iyan muna. Basta bro masya ako kasi alam ko naman naging makabuluhan ang 26 years mo dito sa lupa, eh basta ipagpatuloy mo lang yan. Eh kita ko naman sa iyo Masaya ka eh, saka medyo nagmamature ka na din ng konti. Si GF eh darating yan sa hindi mo inaasahan, malay mo bukas matalisod mo na yun (ginawang bato si GF,hehehe)


Eh sana magkaroon ka pa ng maraming maraming birthday, para naman mas lalo ka pang makatulong sa iba. Eh di ba kwento mo sa akin, gusto mo pang mabayaran ang utang nyo, gusto mo pang magpatayo ng bahay, magkaroon ng sariling kotse, magtayo ng sariling negosyo at kung ano ano pa. ( Huuuuuu, Grabe yang kapasidad ng pangarap mo, ang tatatas bro, sana maabot mo)


Saka tandaan huwag kang makakalimot sa itaas (hindi sa kisame, bugok, sa Dyos), saka sana yumaman ka pa, hahahah!!


Bro sana nakatulong yung sulat ko para naman medyo ma-improve ka pa, eh kung wala na talaga eh sige pwede pa namang pagtyagaan. Hehehehe

Basta ingat lagi


Drake (ako din)

Tuesday, November 11, 2008

MANDY (Part 2 of 2)


Ito na ang pagpapatuloy ng kabata ng kwentong pinamagatang “MANDY”
Ang Nakaraan ……


Nagkaroon ng bagong pinapantasya si Bentong sa Katuhan ni Mandy, at sa maikling panahon ay nakuha na nya ang loob ni Mandy, at sila ay naging magkaibigan. At dahil sa kakapalan ng mukha ni Bentong ay yayain na nyang makipagdate sa kanya si Mandy at heto na ang kasunod……..da da da dan
________________________________________________________________


Pagkatapos ng klase, hindi ko na tinantanan si Mandy , tuwing class break laging kasama kong kumain si Mandy. Ang sarap ng pakiramdam ,mas masarap pa sa menudong kinakain ko na kahapon lang ay adobo ( nirerecyle lang kasi yung pagkain sa canteen). Halos din a nga ako makakain sa sobrang saya habang kausap ko sya. Sa tuwing tumatalsik ang laway nya sa mukha ko, pakiramdam ko hinahalikan na rin nya ako. Mukhang laway lang nya ang pwedeng dumikit sa pisngi ko!!


O bat ka naman nakatitig sa akin, nahihiya tuloy ako”sambit ni Mandy


Eh kasi ganda mo kasi , Mandy pwede bang humingi sa iyo ng pabor?


“Ano yun” tugon nya


Pwede ba kitang mayayang mag date


Ha?Bakit? halatang naglilito sya


“Wala lang, gusto kita kasing makasama, yung tayo lang”


Matagal nag-isip, “Ummmmm, sige na nga”


Pagkabanggit ng salitang yun, halos umikot ang pwet ko sa saya! Yahooo!!! Para akong isang siraulong gago na nakawala sa zoo, ganun ganun ang hitsura, pero wala akong pakialam sa mga lamok na nasa loob ng canteen, basta Masaya ako, Masaya ako, Masaya ako!!!
Ibinalita ko agad to kay Alex, bagamat may halong pagdududa ang kumag eh mukhang Masaya rin naman sya sa akin


“Maiba ako bro, kamusta na kayo nung kachatmate mo “tinanong ko sya.


“Pare saya, eh nung isang araw may nakachat ako, willing daw syang mag-all the way basta load ko lang daw ang cellphone nya ng 300”


“Eh ano ginawa mo”paikli ko


“ Eh sabi ko next time na lang, magchat na lang muna kami, wlaa kasi akong pera eh”sabi nya


“Palibhasa walang pumapatol na babae sa iyo, kaya pati mga babae sa chat room pinapatos mo, gayahin mo bespren mo, matinik” Sabay batok kay kumag na Alex.


Dumating ang araw ng Sabado, ito ang araw na napagkasunduan namin ni Mandy. Gabi pa lang halos din a ako makatulog kakaisip kung ano ang mangyayari sa date namin. Iba yung excitement,parang katulad ng excitement ko nung minsang nagfieldtrip ako sa Enchanted Kingdom nung elementary pa ako.


Alas nuebe ang usapan namin ni Mandy na magkikita sa SM, kaya alas 8:00 pa lang eh nasa labas na ako ng Mall nay un, kasabay ng mga Sales Lady na mukhang galit na galit sa make-up at parang iginulong ang mukha sa gawgaw.


Mga quarter to nine, wala pa rin si Mandy, medyo di na ako makapakali, saka hindi nya kasi sinasagot ang tawag ko. Halos bumagsak na ang loob ko, pero makalipas ang ilang minuto dumating na ang Anghel mula sa casa ni San Pedro. Dumarating na si Mandy. Oh la la la, grabe sa dating, halos lumuwa at lumubo ang sipon ko sa pagkamangha.


“Sorry na late ako ha,saka di ko napansin yung tawag mo” panimula nya


“Okay lang yun” habang namumula ako sa init ng katawan ko


Inaya ko sya sa Max, nakasalubong ko pa nga si Piolo Pascual dun eh (yung karton lang), at dun kami kumain. Grabe halos nakahawig ko na si Piolo kasi kasama ko si Mandy. Hayyyyyy!! Iba yung feeling.


Pagkatapos naming kumain, nag-malling muna kami, at as usual, tinginan ang mga lamok, bulungan ng bulungan. At mukhang ako na naman ang kanilang pinag-uusapan. Hindi ko na pinansin yun basta Masaya akong kasama si Mandy, habang naglalakad kami bigla ba namang may isang matabang bakla na kamukha ni Chokoleit ang lumapit sa amin.


“Mandy ikaw bay an, napakaganda mo naman ngayun? Sino yang kasama mo alalay mo?

hahahah!!” Sabi ng balyenang bakla.


“Si Bentong yan classmate ko.” Sabi nya


“Ah ganun ba, nice to meet you Bentong, behave ka ha, wag kang mangangagat”. Sabi ni balyena habang tumatawang kita ang utak.


“Ah harmless ako” sabay ngiti ng pilit na pilit


Hindi pa rin natapos ang baklang yun kakalait at kakatawa sa akin, kaya ako halos manlilisik ang mata ko sa galit, gusto kong salaksakin ng muriatic acid ang bunganga ni chokoleit para tumigil. Pero nagtimpi na lang ako kasi kaibigan sya ni Mandy.


Pagkarakay bigla na silang nag-usap nang di ko maintindihan ang pinagsasabi nila,Parang salitang alien ata iyun.mamaya maya umalis na si Chokoleit este yung kaibigan ni Mandy. Agad akong nagbuntong hiniga at sinabi ko”atlas wala na ang balyena”.


Inaya ko si Mandy na magsine, palibhasa medyo may magandang palabas ngayun. Ang palabas noon ay “ Tikman mo ang talong ko at kakainin ko ang petchay mo” medyo mahaba ang title pero mukhang okay yun at syempre R18 to, medyo pagkakataon ko ng makaiskor.


Sa loob ng sinehan, mahigpit ang hawak nya sa akin. MAlamig sa loob at medyo kokonti ang tao. Karamihan mga magkasintahan pa. Kaya umupo kami sa bandang gitna syempre para masolo ko sya at hindi mahalata ng gwardya na may gagawin kaming masama.


Makalipas ang ilang minuto, medyo nag-iinit na ako sa palabas, kasi kinakain na ng bidang artista yung petchay ng bidang babae (nagluto kasi ng nilagang baka na may petchay yung bidang babae).


Hindi na ako nakatingin sa pinapanood ko kundi kay Mandy na lang ako nakatingin. Hanggang hinawakan ko sya sa kanyang hita. Aba hindi pumalag, mukhang okay kay Mandy. Tapos lumapit ako sa knaya hanggang sa naglapit na ang aming mga labi at unti unti naming ninanamnam ang lamig sa loob ng sinehan, tila para rin kaming mga karakter ng pelikula nay un. Masyadong mabilis ang pangyayari. Sarap na sarap ako sa mala kending labi ni Mandy. Lasang Juicy fruit gum ang tamis.


Hanggang lumakad na ang aking mga kamay, itoy napunta sa kanyang malusog na dibdib, agad ko itong pinaglaruan,habang wala kaming pakialam sa mga nakakita sa amin, di ko na alam kung ano ang pinapanood ng mga nasa likod namin, kung kami o yung pelikula. Basta enjoy ako sa ginagawa ko


Hanggang bumababa na ang aking kamay sa kanyang harapan, Pilit kong kinakapa ang kanyang matambok na harapan hanggang sa hanggang sa………………………………………………………………….. may bigla akong nakapa na kung ano,


“Ano ito?” bulong ko sa aking sarili


Pakiramdam koy pamilyar yung nakapa ko. Hanggang sa ...


” Putcha, ano ito, bakit parang matigas, Langya, eh bayag to, ah!


Hindi ko maintindihan yung naramadaman ko. Pakiramdam ko bigla akong nagising sa isang magandang panaginip. Pakiramdam ko nikakawan ako ng cellphone ng isang snatcher sa Divisoria. Pakiramdam ko niloko ako.


Sa galit ko bigla kong pinagsusuntok si Mandy


“Gago kang bakla ka niloko mo ako!!!.


Madilim kasi kaya di ko na maalala kung gaano kaganda nag mukha ni Mandy, basta ang pakiramdam ko nun ay isang lalaki ang kaharap ko.


Halos masuka suka ako, paglabas ng sinehan. Langya ang kahalikan ko pala ay isa palang binabae, ang pinagpapantasyahan ko pala ay may lawit din. Ang alindog na aking pinapanaginipan ay dulot lang pala ng syensya at teknolohiya. Isa pala syang RETOKADA. Halos nadurog ang puso ko, parang binombahan ang ulo ng Granada, at binubuhasan ng napakalamig na tubig.Halos gumuho ang buhay ko. Umuwi na lang akong lulugo lugo at parang sabog na pumasok sa aking kwarto. Naiinis ako sa sarili ko na hindi ko man lang naramdamang binabae sya, magaling kasi syang magtago ng kasarian nya.


Di ko na alam ang gagawin ko. Pakiramdam ko desperado na talaga ako.


Kinabukasan di na ako pumasok pa sa klase namin, balak ko ng lumipat ng swelehan para di na kami magkita ni Mandy. Basta magdodrop out na lang ako at mag-aaral sa susunod na taon. Lutang na lutang ang isip ko.


Makalipas ang tatlong araw pinuntahan ako ni Alex sa bahay, at sinabi nya rin sa akin na wala na rin syang balak pumasok sa klase namin, gulat ako sa naging reaksyon ng kumag. At nagtataka kung bakit di na rin sya papasok.


“Pare ano ba ang nangyari” Pauna ko


“Pre alam mo ba yung kinukuwento kong kachat ko na mag-aall the way”tugon nya


“Oo pare, teka ano na nga pala ang nagyari dun.” Sabi ko


"Pre kachat ko sya nung isang gabi at sinabi nya na papayag na syang mag-all the way para sa 500 load na ibibigay ko “ hikbi ni Alex.


“So anong nangyari”


“Pre nung pinasa ko na yung 500 load, hayun bigla na rin syang mag-all the way, medyo may katandaan na rin yung katawan nya pre, pero di ko iniisip yun sabi ko mature na siguro yung kachat ko kaya ganun, saka okay na rin yun, kumbaga laman tyan na rin” habang maluha luhang nagkukuwento


“Eh di pare, nung nagshoshow na sya, habang nilalaro nung kachat mate ko yung sarili nya parang may naalala ako, at nung medyo tintigan ko na yung katawan nya, at ng biglang nahagip ng web cam yung mukha. Putcha pare naduwal ako!!! Tangina pare, kilala mo kung sino yung kachatmate ko……


“Sino?”


“Si Miss Pretoria” sabay ngawa ni Alex


“Ano!!!” Sabay tawa ng pagkalakas lakas, yung tawa ni Hudas na nangnungutya pa hahaha!
Sa sobrang tawa ko halos mautot ako sa kinauupuan ko. Ang pinagpapantasya din ni kumag ay isa palang matandang dalaga!!hahahah!!!


Inis na inis ang luko sa mga pang-aasar ko, pero bigla iyun napalitan ng pang-aasar din nya sa akin dun ikunwento ko na yung kasaranasan ko kay Mandy.


Iyakan at tawanan kaming umaatikabo ni Alex, at habang pinagtatawanan namin ang isat isa bigla sumigaw ang barakuda kong nanay


“Bentonggggggggg!!! Halika ka nga dito tulungan mo akong ipasok sa kulungan yung dalawang bagong baboy nabili ko galing kay Mang Pablo.


Pagkarinig ko nun, biglang may pumasok na kung ano sa utak namin ni Alex. Parang bigla akong may naisip na hindi maganda.


Agad kong sinabi kay Alex. “Halika pare gantihan natin si Mandy at Miss Pretoria. Humanda sila, bobombitin namin ng tubig yung dalawang nagloko sa amin, eto na ang araw nila”.


“Tingnan ko lang kung may kainin pa sila, he he he” mala demonyong sambit ko.


Habang para kaming demonyong naglalakad na nakangisi kaming pareho habang hawak hawak naming ang malaking hose papuntang babuyan.


“ Humanda sila sa paghihiganti namin, He he he he ha hah ah”

===== END============

MORAL LESSON:
NOON: Hindi lahat ng babae ay maganda
NGAYON: Hindi lahat ng maganda ay babae
Hahhahahah!!!! Mag-ingat sa manloloko…. Manigurado

MANDY (Part 1 of 2)

Medyo nahihilig po ako sa paggawa ng mga maiikling kwento, kaya sana magustuhan nyo ang isinulat ko. Medyo malayo ito sa aking tunay na buhay kaya itoy pawang kathang isip lamang. Sana ay magustuhan nyo ito.




Ako si Bentong, isang simpleng mamayan lang. Gwapo, matalino, matangkad, at mabait….. yan ang sabi ko , pero pag tinanong ko ang nanay ko , eh mukhang di naman sya naniniwala. Pag tinanong ko yung mga kaklase ko sabi nila “May Itsura naman ako” masagwa nga lang. Sabi ng nanay ko nung pinagbubuntis nya daw ako mahilig daw syang manood ng pelikula ni Fernando Poe Jr. nagulat daw sya nung pinanganak nya ako imbes si FPJ eh si Paquito Diaz daw ang nakamukha ko.


Ewan ko ba, sa tuwing haharapan ako sa salamin, maganda naman ang mata ko, maganda naman ang ilong ko, maganda namang ang bibig ko eh bat ganun pag pinagsasama sama talagang may problema.


Sige na nga tanggap ko na nga Panget na ako, hindi na ako gwapo. Pero kahit ganun ako eh malakas naman ako sa chicks!(Nice, yan ang kumyansa) Meron din akong Bespren si Alex. Si Alex sya naman ang sidekick ko, kumbaga dakilang extra sa buhay ko. Eh kung ako ay panget ay ano na lang si Alex, siguro lamang ako ng mga 30 paligo kay Alex. Itong si Alex, computer adik yan naku halos maubos ubos ang oras sa kakakchat at yung nga friendster account nya piktyur ni Dennis Trillo ang nalagay para raw maraming manginvite sa kanya, kung ilalagay nya yung totoong piktyur nya malamang ako lang ang nas friends’ list nya.


Isang araw nasa loob kami ng klase ni Ms. Pretoria( titser naming sa Accounting na kahawig ni Miss Tapia, matandang dalaga din), may biglang pumasok ng isang anghel. Grabe sa ganda at seksi, sya raw ang bago naming kaklase sa Block namin. Pinakilala sya ni Ms. Pretoria sa buong klase, at nalaman ko na galing pala syang Tate at nandito para magpatuloy ng pag-aaral kasi may negosyo dito ang pamilya nya.


Ewan ko ba, parang ngayon lang ako nahiya, ang ganda nya kasi eh Ang mata nya parang yema mabilog at mapungay, tapos yung bibig nya parang candy ang sarap tikman at dilaan, tapos yung pisngi nya mamula mula, mwaaahhhh!! yung ngipin nya maputi sa mga labada ng Surf, ang puti puti walang bukbok tulad ng kay Tina o katulad ng pustiso ni Carla na nilagyan pa ng retainer.
Sabi ko kay Alex, “Pare naininlove ata ako ”


“Naku pare eh halos lahat ata ng babae pinatulan mo na, eh kung yung babaeng aso nagpanty at nagpalda baka pati yun nilagawan mo na” Sabi ni Alex.


Binatukan ko nga ang epal na yun, siraulo sya ah!! Sabagay naisip ko nakailan na ba ako ng nilagawan halos di na ata mabilang sa kamay ko. Pero ang hindi ko makakalimutan ay yung tatlong babaeng nagpahirap sa akin ng sobra, si Ana na magaling sa volleyball pero malakas ang putok, si Kim na mukhang matigas pa sa bakal ang mukha, si Janice namukhang tinidor. Sa sobrang galit ko dyan, halos ipakulam ko na kay Aling Bebang yung magkukulam sa kanto namin. Hay, naisip ko nga mukhang kahit sino na lang ata niligawan ko na pero bakit ganun kahit isa sa kanila walang sumagot sa akin. Basta isinusumpa ko sila.


“Naku basta pare iba siya, para akong lumutang sa hangin ang gaan gaan ng feeling. Ang sarap uli mainlove pre” sabi ko kay Alex


Pare, wag ka ng umasa, pustahan tayo basted ka uli” sambit nya


Tumigil ka kumag!! Sabay batok uli sa kanya


Nung nadismiss na ng klase agad kong pinuntahan yung magandang chikas nay un at syempre nagpakilala.


“Klasmeyt, kmusta”bati ko


“okay naman” tungon nya.


Nakamputsa namula ang itim kong pisngi, grabe nag blush ako, sinagot nya ang tanong ko. Tumibok ng tumibok ang puso ko ng kay bilis bilis. Halos himatayin ako, buti napigil ko.


“Ano name mo klasmeyt” pacute kong tanong


“MANDY” sabi nya


“Bago ka lang dito? Tanong ko uli


“Oo, bago pa lang ako sa Pilipins kaya nga wala pa akong gaanong friends dito eh


“Gusto mo ,pwede mo akong maging kaibigan dito” sabi ko


“Ahhh, sige, mukhang mabait ka naman eh” sagot nya sa akin


WOW, narinig nyo yun mukha daw akong mabait, pers taym may nagsabi sa aking mukhang mabait ako, kasi madalas pag sasakay kami ng LRT ni Alex, mga puro nakahawak sa mga bag nila ang mga katabi namin, o di kaya iwas sa amin. Mukha daw kasi kaming mga snatcher at mandurukot eh. O Di kaya pag gabing naglalakad kami ni Alex, madalas napagkakamalan kaming mga rapist. Pero tama ba ang narinig ko…… mukha daw akong Mabait. Wowoweee.
“Bukas sabay uli tayo maglunch ha”sabi ko


“Sige, no problem”


Hay!!!Sa sobrang high ng feeling ko, nilibre ko ng lugaw si Alex sa Karinderya ni Aling Miling. Iba talaga yung pakiramdam, para akong kinausap ng isang anghel na galing sa langit.


Paguwi ko sa bahay, hindi pa rin maalis ang ngiti sa aking labi, para akong isang durugistang suminghot ng isang bote ng rugby at isang kahong katol. Tulala lang ako sa isang tabi. Sarap managinip ng gising, kaso biglang may sumingit na halimaw.


“BENTONGGGGGGGGG” hiyaw ng Barakuda kong Nanay


“Ano bat para kang namantanda dyan, mag-igib ka ng ng tubig tapos magsaing ka na, tapos magpaligo ka ng baboy.”


Kabwisit naman ang ganda ganda na panaginip ko, may umepal pa, pero ewan ko ba para akong si Superman nun kasi parang hinid ako nawawalan ng lakas, saka sa unang pagkakataon ngayon lang ako nagenjoy sa pagpapaligo kina Ana, Kim at Janice (pangalan ng baboy namin at ipinangalan ko yan sa tatalong babaeng bumasted sa akin) dati dati binobombit ko yun ng tubig o kaya dindedelay ko yung pagkain nila pag naaalala ko yung mga karanasan ko sa mga bumasted sa akin. Pero , Hayy, hanggang ngayun high na high pa rin ako kay Mandy.


Kinabukasan, maaga akong gumising, at syempre nagpapapogi. Sinuot ko na yung paborito kong damit at halos isang oras akong nanalamin, Excited akong pumasok nun, at por da pers taym papasok ako ng maaga. Kaya gulat na gulat ang tatay ko,paglabas ko ng kwarto, mga nakatakip ang mga ilong ang mga kapatid ko kasi sa dami ng pabango na nilagay ko sa katawan. Mistula akong belyas na nagaantay ng parokyano. Hindi na ako kumain dumeretso na ako sa skewelahan ko habang ngingiti ngiti at syempre dinaanan ko na rin si Alex.


Pagpasok ko pa lang sa classroom namin hinanap ko na si Mandy, halos mahulog ang brief ko nung makita ko siya, ang ganda ganda nya, suot suot nya ang hapit na hapit na pantalon , umbok na umbok ang kanyang matambok na puwet at suot din nya ang maliit na kamiseta, yung tipong damit ng siyam na taong gulang na pilit pinagkakasya ang katawan ng isang dalaga kaya bakat na bakat ang malulusog nyang dibdib. Wala syang maupuan noon kasi magsisimula na ng klase kaya ginawa ko pinaalis ko si Alex sa upuan nya at sinabi kong wag na syang pumasok ng klase. Eh kahit na inis na inis si kumag sinabi ko na ililibre ko na lang sya ng Lugaw tokwa’t baboy sa karinderya ni Aling Miling, hayun pumayag din ang kumag.


“Dito ka na umupo” Sabay tulak ko kay Alex, para lumayas na sya.


“Ah, sige” tugon nya


“Napakaganda mo ngayon ah, mamaya sabay tayong maglunch”


“Sige”


Grabe, para akong kinuryente ng Meralco, hindi ko maipaliwanag ang naramdaman ko. Kahit nagsisimula na ang klase at dakdak ng dakdak na si Ms. Pretoria yung professor naming sa Accounting eh wala akong pakialam basta gusto ko ng mag alas 12 para break na namin at makakain na kami ni Mandy ng sabay.


Pagkatapos ng klase di na akong humiwalay kay Mandy, alam ko kasing maraming mga bangaw na aaligid aligid sa kanya. Kaya uunahan ko na sila. Kahit na puro panlalait ang nakukuha ko sa mga malalaking bangaw nay un, wala akong pakialam sa kanila kasi mas maswerte ako sa kanila, kasama ko kaya si Mandy.


Pagdating namin sa Canteen, aba tinginan ang mga tao, parang mga nakakita ng artista. Tapos magtingnan hayun parang mga lamok na nagbubulungan, sabay tawanan. Eh alam ko na kung sino ang pinagtatawanan ng mga pesteng mga lamok na yan, syempre ako na naman. May naringgan akong “Beauty and the Beast”, siraulong mga lamok yun sinasabihang Beast si Mandy. Joke lang! Ako nga yung beast, obvious naman eh, sobrang seksi at ganda ni Mandy, ako medyo di kaputian, okay in short panget. Pero bakit ganun yung mga hinayupak na yun, kasalanan ba sa Dyos ang makasama sa pagkain ang isang magandang babae. Kasalanan ba sa dyos yun??!! Mano bang ang atupagin nila yung lalamunin nila hindi yung lalaitin nila. Pagpapatayain ko yung mga lamok na yun eh. EPAL


Uwian sabay kami ni Alex, hindi ko kasi maihatid si Mandy kasi may kotse sya, eh alangan namang maki-hitch pa ako, aba kapal mukha na yun.


“Grabe sarap talaga ng feeling inlove” sabay batok kay Alex


“Oo nga pare mukha kang unggong di matae”


“Ano nab a ang standing mo bro” sabi ni Alex


“Pare mukhang naiinlab na sya sa akin”pagmamayabang ko


“KAPAL FACE, uminom ka kaya ng kape para nerbyosin ka” panlalait nya


“Basta pre, subukan mo ang charm ko , bukas yayain ko syang mag-date ”sabi ko


“Sigurado kaba dyan pare, basta good luck sa lakas ng loob mo bro, kakaiba ka talaga, kapal ng mukha mo” Sabay ganti ng batok.


ITUTULOY.............................



* Ano kaya ang mangyayari kay Bentong, mayaya nya kaya si Mandy na makipagdate? Pumayag naman kaya si Mandy? Ano kaya mangyayari sa panliligaw nya kay Mandy? Tunghayan sa susunod na issue sa kwentong pinamagatang "MANDY" (sabay tunog ng Matud Nila) Matud nila...akoy dili amin...........